Kay Ecuador llaktapak Mamallakta Tantanakuymi allpapachapi kamachiy killkakpak llankayta kallari rikuchin, kamachiy llankayta, llankay katinata Naciones Unidas tantaripak Objetivos de Desarrollo Sostenible llankayman tinkirin, shinami 2030 watapak katikillaman yaykuchin. Kaytami José Serrano Salgado, Mamallakta Tantanakuyta pushak ishkay killa llankay ukupi riksichirka.
Kunan 10:33 sayllata, José Serrano, Mamallakta Tantanakuyta pushak, chay Luis Macas, Myriam Félix runakunawan kanchis Consejo de Participación Ciudadana de Transición kunakkuna huntarka.
Kay Comisión de Derechos Colectivos pushak, Jorge Corozo, chay Protección Prioritaria de los Derechos de las Personas Adultas Mayores kamachiyta kallari atinakuyta charishpa yuyak runakunapak, pishiyashka runakunapak hayñikunata ukllana llikata wiñachinamanta mañarka.
Kay 09:00 sayllata José Serrano, Mamallakta Tantanakuyta pushak, tukuri killakunapi Mamallakta Tantanakuy llanakashkata riksichirka. Paypak hatun llankaykunaman kimirka, chayka: hayñikuna, llankaykuna wiñari, Mamallakta Tantanakuyman runakuna chayamun, kamachiywan llankaykuna.
“Llakta ushaytaka alli yuyaykunata charishpapash wasita wichkashpaka mana wallparinchu. Shinakpika wakllirinmi. Illukshka llakta ushayka punchanata tukuysami runapura rimanakushpami pusharin, tawka kawsaykunawanmi Ecuador llaktaka rikurin”, shinami José Serrano, Mamallakta Tantanakuyta pushak rimayta kallarirka, kallari killakunata llankashkata irkuchirka.
Chay Estados Unidos hatun kamachikmanta, Subsecretario de Estado para Asuntos Político, Thomas A. kamachik ñawpashka shamurka, José Serrano Salgado Mamallakta Tantanakuypak pushakman shuk napayta chayachirka.
Kay Fiscal General, Carlos Baca rimashka hawa, Mamallakta Tantanakuyta pushak José Serrano Salgado, kamachiywan wanachinaman yaykurichun mañarka, chaywan imapachapi, ima punchapi chay ankipi maykunalla rimashka rikurinka, mayhankunalla rimashpa huchachishkata, hucha rurarichun mayhanlla napashka riksirinka.
Kamachiy killkak Washington Paredes chay Director de Aviación Civil kamachikta Comisión de Gobiernos Autónomos tantariman kayan, payka Galápagos markamantami kan, kayashka kamachik, chay yawati llaktakunaman runakuna pawana kullkiman sumaychan, chayta tapunkapami kayan.
Kay Mamamallakta Tantanakuy pushak José Serrano Salgado kayna hunka tukuritaka, chay Mesa Directiva del Parlamento Latinoamericano, Caribeño (Parlatino) tantaripi karka, chay tantaripak wasi Panamá llaktapi pusharirka, paymi kipapushak kan, 2018 watapi kay suyupi imatalla llankanata rikurka.
Kamachiy killkak Israel Cruz Proaño chay Inglaterra llaktapi, Mamallakta Tantanakuy Pedro Vicente Maldonado shutipi aknaypi karka. Chay Londres llaktapak kiti ñanka “Maldonado Walk” shutitami sarin, pay kawsashpami Misión Geodésica Francesa amawtakunata yanaparka, Real Academia de las Ciencias tantariman yaykurishka, Riobamba llaktamanta amawtami karka.
