Kay 4 puncha, panchi killapi llaktayukkuna iskankapi apuchita churashkata Mamallakta Tantanakuypi llankashpa shuk ñanta mashkakun, shina llaktakuna kaparishpa mañashkata ñapash paktachinka.
Kay Circunscripción Territorial Amazónica kamachiyta, Biodiversidad minkashka ishkaykutin rimanakunkapa, chay Casa de la Cultura Núcleo de la Amazonía kamaywasikuna rimashkata uyarkakuna, paykuna 64 nikipi, chay Fondo Común kullimanta 6 % patsakri kullkita pachamaman, kawsaytarpuyman kullkita churachun mañarka, chaywan allita yanapankapa nirka.
Kay kayka chilla, 7 punchapakmi kan, 10h15 sayllata kallarinka. Shinami Derecho a la Salud minkshkaman Ministerio de Salud kamachik chayamunka, paymi kay influenza AH1N1 unkuy hawa willanka.
Mamallakta Tantanakuy pushak, José Serrano, kayna puncha Mamallaktapi tapuykunamanta tikrachinkapa chishi minkashkata, llankanañanta churanaka, wakinka Mamakkahciyta allichina, wakinka llaktakuna mañashkata tikrachina karka.
Sarun chaska puncha 11h40 sayllata karu uyarikmanta kayashpa Mamallakta Tantanakuypak wasipi illapa tukyanka nishpa yanka manchachirka. Chay Margarita Pereira, Escolta Legislativa awka hatun kamachik yunka rimayta charik, shuk kari kayashka nirka, awllikkuna Mamallakta Tantanakuypak wasimanta manarak illapa tukyakpi kanchaman llukshinkapa 18 chinikuta charirka.
Kay César Carrión kamachiy killkak, chay Corte Constitucional kamaywasipi Código Orgánico Integral Penal, COIP kamachiypak 581 niki, 3 yupaypak, tukuri killkamilkata allichina nirka, kay nikika imashina shuwaykunata taripankapa, wanachinka yuyaymi karka; 285 niki, ishkay, kimsa killkamilkakuna, kamachik kashpa yanaparinata pakalla apamuna hawa riman.
Kay Comisión de Derechos Colectivos pushak, Jorge Corozo kamachioy killkak, chay Directora de la Unesco tantari pushakta, Bolivia llakta, Colombia llakta, Ecuador llakta, Venezuela llakta shutipi rimak, Saadia Sánchez Vega Hatun kamachikta kayarka, paymi Adulto Mayor kamahiy hawa rimanka. Shinami 5 puncha, panchi killa, 15:00 sayllamanta, Mamallakta Tantanakuypak wasipi rimanka.
Kay Grupo Parlamentario de Amistad con Rusia tantaripak yuyayka Ecuador llaktawan, Rusia llaktawan mashirinakuy sinchiyachun yuyaymi kan, shina kipaman llankay yuyarikunata charinkapa, yapa ishkantin Mamallaktapak Mamallakta Tantanakuy punchanta willaykunata katishpa kimirinakuna yuyaymi kan.
Kamachiy killkak María José Carrión, Comisión de Fiscalización tantarita pushak, chay Tránsito y de Salud de la Policía Nacional kamaywasiman shuk yuyarita chayachirka, chay yuyariwan Mamallaktapak antawa ñankunapi takarikuna, chukririkuna, wañuykuna ama tiyachun chapakman, antawata purichikman yachachinka, shina chay llakikuna urayanka.
Mamallakta Tantanakuyta Pushak Serrano Fenocin tantarita chaskirka yanapankapa arinirka, shina pakllapi kawsak runakunata yanapanka. Kayta kutsikyachinkapa Rubén Flores, Ministro de Agricultura kamachikta kayanka, paymi imashinatak ziruta, sarata tarpukkuna llankakushkata riksichinka. Shinami Confederación Nacional de Organizaciones Campesina, Indígenas y Negras (Fenocin) tantariwan rimanakuypi José Serrano Mamallakta Tantanakuyta pushak rimarka.
