Kay Augusto Espinosa, Mercedes Galarza, Cristina Reyes kamachiy killkakkuna paykunapak awllimanta 10 punchata sakishishka kan, shinami kay chilla puncha Consejo de Administración Legislativa (CAL) tantari wanachirka.
Kamachiy killkak Norma Vallejo pichka kamachi allichinapi shuk kamachiyta churarka, chay kamchiykunata rimashpaka Servicio Público kamachiy, Educación Intercultural kamachiy, Código del Trabajo kamachiy, Educación Superior kamachiy, Código Orgánico Integral Penal kamachiy, kay kamachiykuna kari warmi wawakuna, imillakuna ama llakita charichun harkata churankapa, ashtawankarin yachana wasikunapi yachakukkunaman ama llaki tiyachun yanapanka.
Mushuk Gestión de Riesgos kamachiyta Biodiversidad minkashkapi rimashka kanka, kay mañayta Silvia Salgado, Ana Belén Marín kamachiy killkakkuna churarka. Ishkantinpak mañaykunapi shinallatak runakuna, kay Sistema Nacional Descentralizado llankakytapash mañan, kay kamachikka llakita, ashayachichun, anchuchichun yanapan, Mamallakta pampakuna tuñirishpa llakichikpi, mayukuna huntashpa, runakuna pachamamata llakichikpi allichichun yanapanka.
Mamallakta Tantanakuyta pushak, José Serrano Salgado, 495 yupay tantariman kamachiy killkakkunata kayarka, minlla kulka, 11 punchata, 09h45 sayllata rimanakuy kallarinka, chaypimi sapan chapak kamachikkuna 2017 watapi paypak llankayta rikuchinka.
Kay Comisión Aampetra tantari kunan puncha willayta killkankapa 16h00 sayllata tantarinka. Kay tantaripimi kari warmi wawakuna, imillakuna yachana wasikunapi llakita charishkata rikunka. Sarun, 26 puncha, sitwa killa, 2017 watapi, tukuy kamachiy killkakkuna kay tantari wiñarichun arinirka, paykunami utkashpa llakikuna kishpirichun llankanka.
Shinami 3 waranka yalli tarpuk tantarikuna, Chimborazo, Bolívar, Tungurahua, Cotopaxi, Pastaza markakumanta Juntas de Agua de Riego del Ecuador tantari Mamallakta Tantanakuyman chayamurka, kaypi paykuna José Serrano Salgado Mamallakta Tantanakuy pushakman, Yaku Kamachiy allichirichun rikuykunata churarka, Ecuador llaktapi kawsak yakuta parkuk runakuna alli kawsayta charichun yanaparka.
Mamallaktapak Hatun kamachikkunapak, chapak kamachikkunapak, ista kamachikkunapak, runakunapak, ayllukunapak, kayashkunapak ñawpakpi, Mamallakta Tantankuypak ukupi Ecuador Mamallakta Kipapushak kankapa arinirka.
Kay agroturismo kamachiyta CAL rikuchun shuyakun, shinami Pastaza markamanta Henry Moreno kamachiy killkak rimarka, payka 28 puncha, killa, 2017 watapi churarka. Kay willay panka 1717 yupaywan panta, 2 puncha, kulla killa, 2018 watapi CAL arishka nishpa panta willarka, kayka illushka panka karka.
Kay wacha Mamallakta Tantanakuy Kipapushakta akllanka. Chaypak María Alejandra Vicuña Mamallakta Kipapushak minkashka kan; María Fernanda Espinoza Ista kamachik kan, Rosana Alvarado pakta kay kamachik kan, paykunaka Lenín Moreno kachashka warmikunami kan.
Mamallakta Tantanakuy tukuykuna Kichwa Salasaca runakunata Ecuador llakta charimushka kakta riksin, paypak shimita, rimayta, raymita, aknayta, kapukyayta riksin, kay Ecuador llakta charimushkata mana chinkarichun munan.
