Imatallatak Ecuador llaktawan, Qatar llaktawan shuklla yuyayta charin. Tikrachinaka hawallami kan, ishkantin Mamallaktami allpapachapi tiyak ista llaktakunawan achka mintalayta kallarikun. Kunanka, chay Grupo Parlamentario de Amistad y Cooperación Recíproca con el Parlamento de la República de Qatar tantarita pushak, chay Lourdes Puma rimashkata uyarka, payka Asia, África, Oceanía llaktakunata rikuk, Ministerio de Relaciones Exteriores y Movilidad Humana kamaywasimantami kan, shinami Ecuador llaktapak, Qatar llaktapak alli kimirnakuywan katinka.
Kay Comisión de Educación tantari, kamachiypak nikikunta rikunkapa rikushkakunata llikankapa, rikuykunata churankapa, willayta allichinkapa tiyarin, shinami Educación Intercultural (LOEI) kamachiyta allichinka. Chaypimi Red de Maestros pushakkuna, Ministerio kamachik chaypi kanka, shinallatak Universidad Nacional de Educación (UNAE) kamachik chayanka.
Ista llaktakunamanta chayamuk purik runakuna, shuktak llaktamanta llaktayukkunapash 30 mushuk kapukyachikkunata Juan Montalvo pampapi rikuchin, chay Mamallakta Tantanakuypak wasi irapimi rikuchirka, paykuna sapankutin mushuk llankaykunata rikuchin, shinami sapan ayllupi kullkita mirachin.
Mamallaktapak Pushak, José Serrano Salgado, chay Patricio Rivera Yánez, Superintendente de Economía Popular y Solidaria kamachikta, pichka watata llankachun, Solanda Goyes Quelal chuskuniki kunakta, Consejo Nacional Electoral llankachun tiyachin.
Kay wata, kulka killapi Mamallakta Hatun tantaripi, chay Movilidad Humana kamachiyta arinirka, imashinami Ximena Peña kamachiy killkak, payka Ecuador llaktamanta Canadá, Estados Unidos llaktakunapi purik runakunata yanapashpa llankakakmi kan, purik runakunata yanpashpa llankakmi kan.
Mamallakta Tantanakuyta pushak, José Serrano, 490 yupay tantariman kayarka, wanra puncha, 09h30 sayllata pusharinka. Kaypimi Consejo Nacional Electoral kamaywasipak hatun kunakkuna, kipa kunakkuna mushukyarinata rikunka, shinallatakl Superintendente de Economía Popular y Solidaria kamachikta mushukyachinatapash rikunka. Shinallatak Comisión de Justicia tantari, Manuel Anastacio Pichizaca Pinguil, kay Aviación Civil kamachiytapash atinakunka.
Shuk watata shutikunata tantachishka kipa, Mamallaktapak 21 markapi yuyaykunata hapishka kipa, kay Red Acuerdo Contra el Cáncer, “Iniciativa Esperanza” aknayta rurashpa, Cáncer unkuyta takankapa Mamallaktapak makipi mushuk kamachiy killkarichun kamuta churanka, kay kamachiyka llaktayukkunapakmantami llukshishka kan, chay llankayka 18 puncha, kapak killapi, 15h00 sayllata, José Mejía Lequerica ukupi pusharinka.
Kay Aampetra wakaychishka 171 kamay katikuyta hapirka, imamanta wanachinakuna wakaychirishka kashkata hapirka, shinallatak Fiscalía kamaywasipi 80 wanachi katikuyta chaskirka, kipaman wawakuna yachanawasipi, imillakuna yachanawasipi llaki tiyashkata kunkarishka sakirikukta yuyachirka.
Kay Adulto Mayor kamachiyman mushuk yuyaykunata churachun mañan, Derechos Colectivos minkashka, Jorge Corozo kamachiy killkak, Antonio Torres Collantes pushakta, Guillermo Freire yanapakta kayarka, paykunaka Comité de Derechos Humanos del Ecuador tantarita pushakkunami kan, shinallatak Eduardo Araujo, María Caicedo llaktayukkunapash chayanka. Kay tantarika 18 puncha, kapak killapi, 15h00 sayllata rimanakuy kallarinka.
Mamallakta Tantakuy churashka kullkita tikrachimuchun ñawita churarka, shnami Mamallakta chay chinkashka kullkita kutintak apamunka. Chay kullki llankayman yaykurishpa kutintak kullki mirarichuchn achkata yanapanka.
