Kamachik Rosana Alvarado, Justicia hatun kamachik, kaya puncha, 08h00 sayllata, kay Comisión Ocasional Aampetra tantariman chayamunka, pay llankashkata rikuchinka, payka yachanawasikunapi wawakuna, imillakuna llakita charish hawa rimanka, wakin llakikunata ñami katikun. Mama awllik, llakirishkakunapak llakita riksinkapa, paykunata yanapankapa, paykunapak hayñita allichinkapa llankanka.
Pakllamanta 1500 tarpukkuna, wakra wiñachik uchilla tantarikuna, chay coliseo Augusto Nicolás Martínez yachana wasipi tantarirka, chayka Martínez shulka, Ambato kitipi, Tungurahua markapimi sakirin. Paykuna imapak Kazawala urkumanta yakuta pushamushpa chakrakunapi hichanka, chay yakuka 36 waranka ayllukunata yanapanka.
Kay Educación Superior (LOES) Hatun Kamachiyta allichishpa, taripay mirarichun kullkiwan yanapana, kunan punchami chay Consejo de Evaluación, Acreditación y Aseguramiento de la Calidad de la Educación Superior (Ceaaces) wasipi rimanakuy pusharirka, tukuylla, shukpaklla, Mamallakta yanapashka hatun yawasikuna shamurka.
Kay Comisión Ocasional Aampetra wawakunata llakichishkamanta llankashkata rikuchinka, kamachiywan katinata, yanapanata, hayñita allichinata rimarka. Chay ñan patakupi minkashkakunaman, ayllukunaman chayachinka, payayashka 80 llakikunata ña kamachiywan katikun, chaywan Fiscalía kamachiy taripaywan katinka.
Kay Comisión de Justicia tantari Cañar markamanta mañay 1 llakita arinirka, paykunaka, Manuel Anastacio Pichisaca runa llakitukushkata kunkarichun mañarka, payka 2015 watapi antawa purina ñanta harkarka. Kay llakikunata rikuk minkashka sapan llakikunatami rikurka, kipaman shuktak llakikunatapash rikunka.
Kay Código Orgánico de Organización Territorial, Autonomía y Descentralización (Cootad) allichinkapa katin, kay kamachiyka Gobiernos Autónomos minkashkapi allichirishpa katin, Montgómery Sánchez pushakun. Kaya 30 puncha, sasi killa, kikinllatak kamachikkunapak rimaykunata uyanka.
Kay Derechos de los Trabajadores minkashka chaska, 1 puncha, 10h00 sayllata, Galápagos llaktapi tantarinka, chaypimi mushuk llankay kamachiyta wallpankapa yuyaykunata llaktayukkunamanta mushuk chaskinka.
Kay Bancada de Alianza PAIS yaykurishka kamachiy killkakkuna, kay Consejo Directivo del Instituto Ecuatoriano de Seguridad Social (IESS), Richard Espinosa kamachik llankashkata yanapan, katikuyta sumaychachun mañan, chay Contraloría General del Estado kamachik willayta panta churashkata rikushpami shina mañarka.
Kay yuyaritaka kamachiy killkakkuna, wamrakuna, tukuylla kamaywasikuna, tantarikuna shuk yuyarita killkakarka, paykunami wawakuna, 5 watamanta, 12 watakama wamrakuna ñanpi purikta kama nirka, rukawan shunkuman chayanami pankapi killkanata yalli arinishka sakirin nirka.
Kay Ecuador llaktapi 1997 watakama karipura, warmipura yumarina mana alli karka. Chay Cuenca llaktapi 100 karipura, warmipura yumarikta wanachikpi, chay Código Penal kamachiypak 516 nikita allichirka, chayta Corte Constitucional kamachik 27 puncha wanchirka, shinapash 516 nikipak kallari milkakillkakta anchuchirka, chay milkapi, pusak watakama supaycharka.
