Kamachiy killkak Silvia Salgado, rimanakuy patakuta pushak yallik Yachay kamachikta, shuktak awllikkunata mana kamachiyta paktachishkata katinkapa allichirikunchik nishpa willarka, “ñukanchikpak yuyayka llaki tiyakpi wanachinata mana ushashkata katinkapami kan, shinallatak imashina wanachinata kamachiypi mana tiyakta tarina yuyaymi kan, chaykunata rikushpa utkashpa kamachiyta allichinkapa yuyayta charinchik kutintak shina llakikuna ama tiyachun”, nishapa rikuchirka.
Shinami willay kamachiyta, Intercultural Bilingüe kamachiyta, Educación Superior kamachiyta, mushuk llankayta wiñachina Mamallakta Tantanakuypak katikilla kanka, shinami Elizabeth Cabezas, Mamallakta Tantanakuypak pushak rimarka. Kaytami karurikuchik willaypi rimarka, mushuk ñawpurayta, wallpata mushukyachina, llankayta katinata willarka.
Mushuk Mamallakta Tantanakuyta pushak, Elizabeth Cabezas Guerrero, kay Salón José Mejía Lequerica ukumanta kanchaman, runa tawka tantarikunapak, kiti ayllullaktakunapak yupaychayta chaskirika. Chaypimi imatalla Mamallakta Tantanakuypi llankana katikillata riksichirka, chay llankaykunawan Mamallakta wiñarinka nirka.
Kamachiy killkak Augusto Espinosa, willana hillaykunapi paypak Comisión de Educación tantaripi llankanamanta anchurisha nirka, Mamallaktapak alli kachun yachay hawa rimanakuyta charinka chayman yaykurishka kamachiy killkakkuna mana chayamurka, chaymanta quórum mana tiyarka nishpa huchachin.
Shamuk chaska 16 puncha, pawkar killapi, Mamallakta Tantanakuypak ishkayniki, kipapushak, Carlos Bergmann, Manta llaktapi pay llankashkata riksichinka, chaypi pay kanchis killata imatalla rurashkata runakunaman willanka, payka kamachiy killkakmi kan, Comisión de Régimen Económico del Parlamento tantariman yaykurishka kan, chay tantaripimi llaktakuna pay llankashkata rikisinka, shinallatak paykuna imtalla mutsushkatapash uyanka, chay mutsuykunata Mamallakta Tantanakuypak rimanakuypi rikuchinka.
Kay Willana hillaykunapi muyushpa, kay Alianza PAIS llaktay tantariman kimirishkakuna Elizabeth Cabezas Mamallakta Tantanakuyta pushak tukuchun mañan. Kamachiy killkak Esteban Albornoz rikukpika, Ecuador Mamallaktata pushak, Lenín Moreno chay warmi pushak tukuchun yanapayta charin, kaya chilla, 14 puncha, pawkar killapi paypak shutita Mamallakta Hunata tantaripi churanka.
Chay Consejo de Participación Ciudadana y Control Social (CPCCS) kamachiyta atinakunkapa kallarishpa, Comisión Ocasional tantarita pushak, runakuna Consulta Popular llankayata pushashpa 3 tapuyta, 6 tapuyta paktachinkapa Daniel Mendoza rimarka, payka kari warmi runakuna, runakunamanta, yanakumanta, yunkakumanta runakuna shamuchun nirka, CPCCS tantariman yaykurichun rimarka.
Mamallakta Tantanakuypak kari, warmi pushakta akllanaka chilla, pawkar 14 puncha 12h00 sayllata kanka, chay punchami 505 yupay rimanakuy kanka, payka 2019 wata, 14 puncha, aymuray killakama llankanka.
Kay María José Carrión kamachiy killkakta akllaypak ukupi, Elizabeth Cabezas Mamallakta Tantanakuyta pushak tukuchun kimsa warmimanta akllarishpa mishachun llankakunchik nirka, “kallari shutiwan kimirinchik, shinami shuktak llaktay tantarikunaman shuklla akllarichun rikuchishun nirka, chaymi shuktakkunapash yanapanka”, shinami Movimiento Alianza PAIS llaktay tantarimanta, Ximena Peña kamachiy killkak rimarka.
Imshinami llankay tantarikuna, hamik tantarikuna, kuyu tantarikuna, hillayta allichik, punkarapi llankak tantari, yachachik, chikan llankakkuna, shuktakkunapash Comisión de los Derechos de los Trabajadores y la Seguridad Social tantariman chayamurka, chayman mushuk Código del Trabajo kamachiyman paykunapak mañayta chayachirka.
