Kay Régimen Económico Minkarishka, kay wanra 5 puncha aymuray killa, 09h00 pacha tutamanta, videoconferencia rimanakuypi, Mamallakta Tantanakuypak 667 niki rimanakuypi 33 yuyaykuna tantachishkata allichishpa kallarinkakuna, kay yuyaykunaka Ordenamiento de las Finanzas Públicas kamachiy ruranapak Llakta pushak kachashka killkata shuk niki rimanakuypimi rikurirka.
Kay Mamallakta Tantanakuy chusku kutin tantarishpa Apoyo Humanitario kamachiyta kallari atinakuyta tukuchirka, kay utka kamachiytaka Mamallakta Pushak kachashkami kan, ashtawankarin kullkimanta rikunata charin.
Mamallakta Tantanakuypak Comisión de Biodiversidad tantariman, aymuray killa, kunan, 4 puncha, 09h00 sayllata, Ministro de Salud, Juan Carlos Zeballos kamachik kayarka, payka, Antisuyu markakunapi chay Covid-19 hatun unkuyta harknkapa hampi hillaykunata, hampikunata rantichun kullkita rakishkamanta willanka.
Mamallakta Tantanakuy kay aymuray killa, 01 punchapi, 667 yupay rimanakuyta charirka, chaypi kay Ordenamiento de las Finanzas Públicas kamachiyta, unipak kullki tiyachun atinakurka, chaywan Mamallaktapak llankayñayta rurana nirka. Kunanpi llankakuk kamaywasikunawan kullki yaykurina, kullki llukshina maruta ruranata atinakurka, chay llaktayukkuna achiklla riksinkapa kishpiyrishka willayman yaykurichun, rimarka.
Kay Función Legislativa (LOFL) kamachiy mushuk utka kullki kamachiyta arininkapa chunka punchata charin. Chaymanta Mamallakta Tantanakuyka, Comisiones de Desarrollo Económico tantari allichikpi, Régimen Económico tantari allichikpi Apoyo Humanitario y de Ordenamiento de las Finanzas Públicas ishkaykutin atinakunka.
Mamallakta Tantanakuy, kay Apoyo Humanitario para Combatir la Crisis Sanitaria del Covid-19 Hatun Kamachiyta kallari atinakuyta charirka, kay Kmachiytaka Mamallakta Pushak utka atinakuchun kacharka.
Chay Pakalla Katuy Kamachiyta killkaypi kankapa tantarikuna, yachakkuna, llankakwasita charikkuna shamunka, paykuna kay llakta kamaywasimanta shamunka, shinallatak istallaktamanta hatun yachakkuna shamunka, shinami pakalla katuyta harkana kamachiyka killkarinka.
Kay Comisión de Educación tantari chay Ministra de Educación, Monserrat Creamer kamachikta, wawakunapak, paktakunapak, sumakyachay shukpaklla yachana wasikuna kunan llaki killakuna unipak yachachichun arinichirka, chaymi yachay llikata mana purichinka, kaytami Apoyo Humanitario kamachiypak kallari atinakuypak apamuna nirka.
Kay Derechos de los Trabajadores y la Seguridad Social Minkarishka, Karina Arteaga Muñoz pushashkaman, kay Instituto Ecuatoriano de Seguridad Social (e) tantanakuyta pushak, David Ruales; shinallatak Organización Internacional del Trabajo (OIT) tantanakuymanta yachakkunami, kay Código de Trabajo y a la Ley de Seguridad Social kamachiykuna mushukyachinapak yuyaykunata chayachirka kaypia llankay paktanapak mushuk yuyaypaktarimi tiyan, nin.
Kay Comisión de Justicia tantari Pakalla Katuy kamachiyta utka killkankapa ñawpakpi churarka, chaywan maypi pakalla katuyta harkanta achkata yanapanka, riman. Kay mushuk kamachiyta Héctor Muñoz, Juan Cristóbal Lloret kamachiy killkakkuna churashka kan. Sitwa killapak ña kallari atinakuyman yaykurichun charina riman.
