Kay Sistema Nacional Descentralizado de Protección Integral de la Niñez y Adolescencia tantanakuyka shinami makipurashka llankan, paykuna paktanawan, shinaka kari warmi wawakuna wamrakunapash hayñiman pakta chayachun rikuranka; chaypakka, Wawakunata rikuk Minkarishka nirkami mana shik wankurilla tiyanchu kay Consejo Nacional tantanakuypi llaktayukmanta rimachun.
Kay Soberanía Alimentaria Minkarishka, Lenín Plaza pushakuk, kay Hong Kong llakta pushakkuna 26 toneladas tupu tiburón chalwapak rikrakunata hapishkata ñawinchiyta kallarirka, Ecuador llaktamanta shamushka shinami kan, nirka. Kay virtual rimanakuypi awaki tutamanta paktashkapi rimanakurka.
Mamakamachiy rimashkata hapishpa, Código de Trabajo kamachiy rimashkakata hapishpa kay Comisión que atiende temas y normas de la Niñez y Adolescencia tantari, llankachishpa shuwayta harkankapa, 15 watayuk imillakunapak yanachana hayñita ukllankapa kamachiypak nikikunata, hillaykunata churan. Kunan puncha imillakuna, llankashpa yachachun, kawsaykamayman yaykuchun, mana alli kuska llankaykunapi ama llankachun mañarka.
Mamallakta Tantanakuyta pushak César Litardo Caicedo Ordenamiento de las Finanzas Públicas kamachiyta ishkakutin atinakuyman kamachiy killkakunata kayarka, kaya puncha, 12 puncha, 17h00 sayllata rimanakuy kallarinka. Kay kamachiyka kullki utkamachiy rikuyta charin, kay kamachiyta chay Comisión de Régimen Económico tantari killkashkami kan.
Mamallakta Tantanakuy kullkita llakita takankapa utka kamachiy chanishkata arininka, chayka sobre Apoyo Humanitario y de Ordenamiento de las Finanzas Públicas shutitami charin. Mamallakta pushak kachashka kamachiyka kamachiy killkakkunapak achka rikuykunata chaskirka, chaymanta ishkaykutin atinakuyman chayachunka ukumanta allichirinatamai charirka. Shinami shamuk hunka 11 punchamanta, 15 punchakama Mamallakta Tantanakuy arininka, chaymanta Mamallakta pushakpak makiman lkachanka.
Kay Comisión de Desarrollo Económico tantari Apoyo Humanitario para Combatir la Crisis Sanitaria Derivada del COVID-19 kamachiy ishkaykutin atinakuyta charichun achkata atinakurka, kipaman 8 apuchiwan arinirka, kay kamachiyka Mamallakta Pushak kachashkami kan.
LLaktayuk mañashkamanta kay unkuy llaki punchakuna sobrefacturación zirmamanta chaninapi rikurishkata yachankapak, Gobiernos Autónomos Minkarishka, Héctor Yépez pushakuk, Gabriel Bolívar Lucio runa, Agencia de Regulación y Control de Electricidad (Arconel) tantanakuyta pushak; shinallatak Diego Maldonado runa, gerente General subrogante de la Corporación Nacional de Electricidad (CNEL EP) tantanakuy pushakta chaskirka.
Kay Comisión de Participación Ciudadana y Control Social tantari, Raúl Tello Benálcazar kamachiy killkak pushashka, chaypi kak 7 kamachiy killkak shuklla yuyaywan yachakuk hampikkunata Mamallaktapi ukllakukta rikunkapa katikuyta rurankapa arinirka.
Mamallakta Tantanakuypak Comisión Ocasional que atiende temas y normas de la Niñez y Adolescencia tantari, Encarnación Duchi kamachiy killkak pushashka, kunan Chaska pucha, 14h00 sayllamanta, Libro I de Principios, Derechos y Garantías hawa rimak kamuta allichinka, kay kamupika kari, warmi wawakunapak, imillakunapak hayñita ukllachun yanapanka, kaytaka Mamakamachiy, runahayñi istahillaykuna riksishkami kan.
Kay Participación Ciudadana y Control Social Minkarishka kay puncha, 11h00 pacha tutamantami internistas de las Facultades de Medicina yachakukkunata ukllanapak rikunapak shuk yuyarinakushka killkata rimanakunka.