Mamallakta Tantanakuy sitikupankata yanka kushkata taripachun, kamachikkuna rikurichun kayanta 129 apuchokunawan arinin. Mama Elizabeth Cabezas kamachiy killkak churashkata, Marcela Holguín kamachiy killkak churashkawan, shuklla pankata rurashpa killkana nishpa rimarka. Chaymanta kay llakikuna allichirichun kamachiywan sinchita llankanka.
Kay Economía Circular y Reciclaje Inclusivo kamachiyman mushuk rikuykuna chayamushkata Comisión de Desarrollo Económico tantari killkashka pankata chaskirka, kay hawa kaya, 15 puncha, 09h00 sayllata rimankuy kallarinka, chaypi kamachiy killkakkuna rimayta churanka.
Kay Mamallakta Tantanakuy César Litardo Caicedo pushakwan shuwakunata takankapa sinchita llankan, hatun shuwakunaka Mamallaktapak kullkita, alli llankaykunata, alli runakunata, llaktay ushaykunata wakllichin rimarka.
Kay Comisión Ocasional de Enmiendas tantari Mamallakta Tantanakuyta ishkaypi rakinata yachakkunawan rimanakun, kay yuyaytaka Comité por la Institucionalización Democrática tantari churashkami kan, allita rikunka, yuyarinkapa Rodrigo Lara, Cámara del Senado del Congreso de Colombia hatun awkata chaskirka; shinallatak Miguel Landeros, General de la Cámara de Chile llaktamanta kamachiy killkakta chaskirka.
Kaya puncha, 15h30 sayllamanta Mamallakta Tantanakuy 674 yupay rimanakuyta charinka, kay rimankuyman César Litardo Caicedo Mamallakta Tantanakuyta pushak kayarka, chay kamachiy killkakkuna paykuna rimayta charinka.
Kay Ecuador llaktapak mamakamachiy chawpi killkata mushukyachinapak Comité por la Institucionalización Democrática tantanakuypi, kay Comisión Ocasional de Enmiendas Minkarishka, Elizabeth Cabezas Guerrero pushakukmi virtual rimanakuyman, Rodrigo Lara runa, senador de la Cámara del Senado del Congreso de la República de Colombia llaktamanta, shinallatak Miguel Landeros runa, secretario General de la Cámara de Diputados de Chile llaktamanta; shinallatak, Salim Zaidán runa, magister en Derecho Constitucional yachak runata llaktayukmanta yuyaykunata paktachinapak kayachirka. Kay llankayka 13 puncha sitwa killa, 10h00 pacha tutamantami paktarinka.
Karumanta rimashpa, Mamallakta Tantanakuy, kamachiy killkakkunapak 101 apuchiwan Acuerdo Comercial entre el Reino de Gran Bretaña e Irlanda del Norte con la República de Colombia, Ecuador y Perú; yuyarita arinirka, kay Acuerdo Multipartes 2021 watamanta llankay kallarinka. Mamallakta Tantanakuypak 675 yupay rimanakuypi willarka.
Kamahiy killkakkunapa 96 apuchiwan Mamallakta Tantanakuy Otto Sonnenholzner Sper Ecuado Mamallakta Kipapush anchurikta chaskin. Payka kay killa 7 punchami Mamallakta Tantanakuyman anchurini nishpa shuk pankawan willarka.
Mamallakta Tantakuypak Comisión de Régimen Económico chay Sistema Nacional de Contratación Pública Hatun Kamachiy allichirichun allichishpa shamun. Chaypak kamachiy killkakkuna yuyayta churashpa kamachiyman yaykurichun tantachishpa killkarka, kunanka shuktak kamachikkuna rikuyta churana sirin.
Kay Comisión de Fiscalización y Control Político tantari kipapushak, Eliseo Azuero Rodas pushsashka, pichka sayllata rimankuypi yachakkunata, amawtakunata, Agencia de Regulación, Control y Vigilancia Sanitaria (Arcsa), Mauro Falconí kamachikta chaskirka, chay Covid-19 hatun unkuywan unkukkunatapash chaskirka, paykunaka Dióxido de Cloro hampiwan alliyashkata riksichirka. Hampi kamachikka chayta riksinkapa rikrata paskarka.
