Mamallakta Tantanakuy kaya puncha, 671 yupay tantarita karumanta rimashka pushanka, chaypi Entidades de Seguridad kamachiyta ishkayniki atinakunka.
Kay killa, 8 punchamanta 12 punchakama kamachiykunamanta, Mamallaktapak llankaytapash Mamallakta Tantanakuypi rimashka kanka, ashtawankarin chay Perdernales hampinawasipi shuway tiyashkata rimashka kanka. Shinallatak Covid-19 hatun unkuy llaktakunata, kitikunata, ayllullaktakunata llakichikushkata rimanka, chay flota de la Armada del Ecuador hawapash rimanka.
Kullkillankay tantachishkata paktashkatapash willayta kay Régimen Económico minkarishkapi tawka kamachi llankakkuna mañashkawan, Puerto Bolivar llaktapak kullkika mirarishpa chayanka, kayshina rikuchiymi kamachiy mushukyachinapak shuk niki rimanakuypak willaypi tiyakun, mañashkapika 40 waranka ayllukuna kay El Oro markapak kitillipi kawsakuna munakuymi kan.
Kay Comisión de Derechos Colectivos tantariman yaykurishka kamachiy killkakkuna Ministro de Finanzas, Richard Martínez kamachik mana paykuna kayashkamanta mana chayakpi tsiknirka, payta ishkaykutin kayanka, chaypi Universidad Nacional de Educación (UNAE) yachay wasiman kullkita kichushkamanta willanka, chaymanta Antisuyu llaktakunamanta yachakukkuna yachaymanta anchurinka nirka.
Kay Comisión de Participación Ciudadana y Control Social tantari Julia Landázuri, Secretaria Técnica de la Amazonía kamachikta chaskirka, kay Covid-19 hatun unkuymanta Antisuyu ayllullaktaman, llaktakunaman, runallaktakunaman hampiwan yanapashkata riksichirka.
Kay chaska 05 puncha raymi killa, 10h30 pacha tutamanta, Derechos de los Trabajadores y la Seguridad Social Minkarishka, tawka llakta pushakkunawan, kay Decreto Ejecutivo Nro. 1036 yupay 6 puncha aymuray killa 2020 wata rurashka killkata riksinkakuna.
Kay Comisión de Fiscalización y Control Político tantari, Johanna Cedeño Zambrano kaamachiy killkak pushashka, kaya puncha Ministra de Educación, Monserrat Creamer Guillén kamachikta chaskinka, payka Gestión Educativa, Vinicio Baquero Ordóñez yallik kamachik llakita charikpi llankaymanta surkushkata willanka, yunkasuyuman Yachawasi mikunata panta rantishpa, llakita charishkata riksichinka.
kay Grupo Parlamentario Fronterizo, chay Silvia Salgado kamachiy killkak pushashka, kanchis kamachiy killkakpak apuchiwan kay Empresa Siembra EP 1060 yupay churashka kamachiywan, Empresa Siembra EP llankakwasita anchuchishkata Mamallakta pushak Lenín Moreno Garcés, Decreto pichachun mañarka, kay llankakwasi Mamallaktaman yanapana kakpi pichachinka.
Kay “Mamallakta llakipi kawsakkukpi, uchilla yanapaywan hatunman chayanchik”, shinami kunan puncha chay Consejo Mundial por la Paz y la Tolerancia (GCTP) yanapayta chaskishpa César Litardo, Mamallakta Tantanakuyta pushak rimarka, 10 waranka shimillita chaskirka, chaytaka wakcha runakuna, yuyakrunakuna, tisiku runakuna hatun unkuyta harkachun chayachinka.
Kay Participación Ciudadana Minkarishkapi, José Chusin, trabajadores de los gobiernos autónomos descentralizados y empresas públicas tantanakuyta pushak; Mauricio Unda, Comité de Empresa de Correos del Ecuador tantanakuypak killkakamayuk; Marcelo Tapia, Sindicato de Trabajadores de Ferrocarriles tantanakuypak killkakamayuk; shinallatak, Ángel Ramírez willachik runapash, kay Minkarishkaman chayamuchuk akllashka kanka, paykunami llankakpak hayñita wakllichishka nishkamanta rimanka.
