Kay Comisión de Régimen Económico tantari Ordenamiento de las Finanzas Públicas kamachiyta allichishpa arininkapa ñanta mashkashpa katin, kay kamachiyta Mamallakta pushak 16 nikita rikushpa kachashkami kan.
Mamakamachiyta mushukyachinapak allichinapak Minkarishka Corte Constitucional tantanakuy yuyarinakushka killkata ñami charin, virtual rimanakuypi, kay awaki 22 puncha raymi killa, 09h30 pacha, kay ayllukunata chaskinka: Pablo Dávila, Darwin Seraquive, Lupe Arteaga, Simón Espinosa, Embajador José Ayala Lasso, Gustavo Noboa Bejarano, Hernán Pérez runakunata, paykunami República del Ecuador llaktapak mamakamachiy, kay Registro Oficial No. 449 niki yupay, 20 puncha wayru killa 2008 wata killkashka, mushukyachinapak chayachirka.
Kay Grace Unda, Galápagos llaktamanta chalwakkunapak shutipi, Galápagos kamachiyta arininka shuyachun mañan, chayka: Copesan, Copes Proma, Copropag, Copahisa tantarikunami kan, paykuna Comisión de Biodiversidad karwa killapi Régimen Especial de la provincia de Galápagos Hatun kamachiyta allichishpa chayachinkapa shuyachun mañarka.
Mamallakta Tantanakuy Apoyo Humanitario para Combatir la Crisis Sanitaria Derivada del Covid-19, kamachiypak chawpi nikikunata arinirka, kullki tikramuchun utka kamachiy kakpimi ñapash arinirka.
Mamallakta Pushak, Lenín Moreno Garcés Mamallakta Tantanakuy hatun willayta kacharka, chayka Covid-19 hatun unkuymanta Mamallaktapi hatun llaki tiyashkatami willan, kay llakimanta runakunaman kullki llakipash tiyan, chaytami riksichin.
Kay Comisión de Justicia y Estructura del Estado tantari pushak, Ximena Peña Pacheco kamachiy killkak, 088 yupay tantariman yaykurishka kamachiy killkakkunata kayarka, karumanta rimanakunka kaya chaska punlla pusharinka, 09h00 sayllata kallarinka.
Jorge Wated runa, IESS tantanakuyta pushak, shinallatak Vinicio Troncoso runapash, kay Banco del Instituto Ecuatoriano de Seguridad Social (Biess) tantanakuy pushaymanta anchurirka, paykunami derechos de los trabajadores Minkarishkaman kayashka, kaymanka Roberto Gómez kamachi killkakmi kayachirka.
Kay Subcomisión de Fiscalización tantari, Jimmy Candell Soto pushashka, chay hospital de Pedernales hampina wasita rurashkata taripankapa, Ministro de Transporte y Obras Públicas (MTOP), Gabriel Martínez kamachikta kayarka.
Mamallakta Tantanakuyta Pushak, César Litardo Caicedo, kamachiy killkakkunata kulka punchapak kayarka, 16h30 sayllata karumanta rimanakuy kallarinka, chaypimi Informe No Vinculante a la Objeción Parcial del Presidente de la República, Lenín Moreno hawa rimanka, chayka Apoyo Humanitario para Combatir la Crisis Sanitaria Derivada del Covid-19 kamachiyta atinakunka.
Mamallakta Tantanakuyta pushak, César Litardo Caicedo, tukuy kamachi killkakkunata kay virtual 672 niki rimanakuyman kullka 18 puncha raymi killa 2020 wata, 16h30 pacha chishipak kayachirka, kaypimi llakta pushak, Lenín Moreno, kay Ley Orgánica de Apoyo Humanitario para combatir la Crisis Sanitaria derivada del Covid-19 kamachiy rurana killkata kutinpash allichinaman kachashkata riksishpa rimanakunka.
