Kay Comisión de Soberanía Alimentaria tantaripak ñawpakpi ñuñu kaktunata chaskirka, paykuna ñuñu katuna llakita kamachiy killkakkauman rikuchirka, paypak yuyaypika wakrata wiñachikkuna hatun llakita charishkata willarka, ñuñuka runakunapak hatun alli mikuymi kan nirka.
Ya Comisión de Desarrollo Económico tantari, Esteban Albornoz pushashka, 13 kamachiy killkakkuna yanapashkawan Empresas Públicas kamachiyta allichinata kallarin, kay yuyaytaka Mamallakta Pushak churashkami kan, minkashkakuna kay llankayta kallaripi churashpa pushanka.
Kay Comisión de Soberanía Alimentaria tantari pushak, Lenín Plaza Castillo, kamachiy killkakkunata karumanta rikushpa rimanakunkapa kayarka, chaymi 14h30 sayllata atinakuyta charinka, chaypimi wakra wiñachikkunapak, ñuñuta katukkunapak llakikunata rimanakunka, paykunami ima llakita charishkata rikuchinka.
Kay Mamallakta Tantanakuyta Pushak, César Litardo Caicedo, Ecuador llaktapi tiyak pukllakkunawan, Ministerio de Economía kamachikwan rimankuyta charirka, Mamallaktapak Ligas Deportivas Cantonales pukllakkunaman kullkita churashka kipa rimashka. Kay rimanakuytaka kayna puncha charirka.
Kay Comisión Ocasional que atiende temas y normas de la Niñez y Adolescencia tantari, karumanta rimashpa, 20 rikuykunata akllarka, chayka Gabriela Larreátegui kamachiy killkak, Libro I del Código de Protección Integral de Niñas, Niños y Adolescentes (Copinna) hawa rimarka. Kay tantarita pushak, shamuk punchakuna kallaripi chachina riksik yachakkunata kayanka, paykuna allita riksichinka.
Kay Grupo Parlamentario por la Garantía de los Derechos de Niñas, Niños, Adolescentes tantari shuk yachaypi kishpiychikkunapak llankaymi wawakunapak, imillakunapak hayñita ukllanka, kamanka chaymanta paykunapak yachayka may alli kan nirka. Kay tantarikuna, yachaykuna hatun unkuy purikuk punchakunapimi rikurishka kan. Chayman Mamallakta alli kamchiyta churanata munan nirka.
Kay Grupo Parlamentario por el Bienestar Animal tantari tecnología 5G hawa rimankapa Mamallaktamanta yachakkunata, istallaktamanta yachakkunata, chaypimi kay hillay llakikik, mana llakichik kakta riksinka.
Kay Comisión de Derechos Colectivos, Jaime Olivo Pallo kamachiy killkak, Comunicación kamachiypak willayta kunan tutamanta allichirka, willayta killkakatishka kipa atinakuy kallarirka, Mamallaktapak willaypi kullkita churana, llaktakunaman chayachina yalli rimanakuyka karka.
Kay Comisión de Fiscalización y Control Político tantari, Elio Peña Ontaneda kamachiy killkak pushashka, 9 apuchiwan, Consejo de Participación Ciudadana y Control Social (Cpccs), Christian Cruz kamachikta llaytay wanachita rurankapa arinirka, kaytaka Henry Kronfle mañashkami kan, Consejo de Administración Legislativa (CAL) alli ñawita rikushka kan.
Kay Comunicación Hatun kamachiyta ishkaykutin atinakunkapa willayta kaya, 18 puncha rikunka, allichinka, chaypak Comisión de Derechos Colectivos tantarita pushak, Jaime Olivo kamachiy killkakkuna rimanakuyman kayarka, 10h00 sayllata rimankuy kallarinka.
