Mamallakta Tantanakuy 676 yupay rimanakuypi, Loja markamanta kamachiy killkak, Nivea Vélez Palacios, unkushka kashkamanta hatarichinata, Sala de lo Penal, Penal Militar, Penal Policial y Tránsito de la Corte Nacional de Justicia ukumanta mañashkata chaskirka, paytaka tukuylla mitachita yanka kullkita mañashkamanta huchachishka kan.
Kunan, 17 puncha, Ecuador llaktamanta amawtakuna, Organización Mundial hampik tantari, Panamericana de la Salud hampi tantari (OMS/OPS), kay Covid-19 unkuyta Dióxido de Cloro (CDS) mushuk hampiwan harkana hawa tapurka, Comisión del Derecho a la Salud tantari, William Garzón kamachiy killkak pushashka, amawtakuna unkukta alliyachishpa rikuchun mañarka.
Kay Comisión de Fiscalización y Control Político tantari, Johanna Cedeño Zambrano pushashka, kaya puncha rimanakuyta charinka, chaypimi Hospital del Instituto Ecuatoriano de Seguridad Social (IESS) de Ambato hampikta, Sociedad de galenos posgradistas hampikta, paykunapak allikawsay hayñita llakichishkata rimanka.
Mamallakta Tantanakuy, 677 rimankuypi chaska puncha Mamallakta Kipapushakta churanka, chaypak Mamallakta Tantanakuyta pushak, César Litardo Caicedo, kamachiy kamachiy killkakkunata rimanakuyman kayarka, Mamallakta Pushak ishkay warmita, shuk karita, sitwa killa, 10 punchapi kacharka.
Kay Comisión de Desarrollo tantari chay Modernización a la Ley de Compañías kamachiy kallari atinakuyman yaykurichun kamachiy killkakkunapak 9 apuchiwan arinirka. Kay yuyaytaka César Rohon kamachiy killkak churashkami kan, kay kamachiyka kay llankaykuna wiñarita ñawpachin nirka.
Mamallakta Tantanakuy sitikupankata yanka kushkata taripachun, kamachikkuna rikurichun kayanta 129 apuchokunawan arinin. Mama Elizabeth Cabezas kamachiy killkak churashkata, Marcela Holguín kamachiy killkak churashkawan, shuklla pankata rurashpa killkana nishpa rimarka. Chaymanta kay llakikuna allichirichun kamachiywan sinchita llankanka.
Kay Economía Circular y Reciclaje Inclusivo kamachiyman mushuk rikuykuna chayamushkata Comisión de Desarrollo Económico tantari killkashka pankata chaskirka, kay hawa kaya, 15 puncha, 09h00 sayllata rimankuy kallarinka, chaypi kamachiy killkakkuna rimayta churanka.
Kay Mamallakta Tantanakuy César Litardo Caicedo pushakwan shuwakunata takankapa sinchita llankan, hatun shuwakunaka Mamallaktapak kullkita, alli llankaykunata, alli runakunata, llaktay ushaykunata wakllichin rimarka.
Kay Comisión Ocasional de Enmiendas tantari Mamallakta Tantanakuyta ishkaypi rakinata yachakkunawan rimanakun, kay yuyaytaka Comité por la Institucionalización Democrática tantari churashkami kan, allita rikunka, yuyarinkapa Rodrigo Lara, Cámara del Senado del Congreso de Colombia hatun awkata chaskirka; shinallatak Miguel Landeros, General de la Cámara de Chile llaktamanta kamachiy killkakta chaskirka.
Kaya puncha, 15h30 sayllamanta Mamallakta Tantanakuy 674 yupay rimanakuyta charinka, kay rimankuyman César Litardo Caicedo Mamallakta Tantanakuyta pushak kayarka, chay kamachiy killkakkuna paykuna rimayta charinka.
