Mamallakta Tantanakuy kay Orgánica de Desarrollo Fronterizo paktashka, mana paktashka willayta chay Grupo Parlamentario Fronterizo katichun kamachiy killkakkuna 128 apuchiwan mañarka, kay Kamachiyta tukuyta allichina nirka, kay hatun unkuy siririkpi kay kamachiyta arinishun rimarka. Kay llankayta saywata minkashka kamachiy killkakuna katinka.
Mamallakta Tantanakuyta pushak, César Litardo Caicedo,tukuy kamachi killkakta 666 niki rimanakuyman kay kulla 30 puncha ayriwa killa, 15h30 chishipak kayachirka, kaypimi kay Ley Orgánica de Apoyo Humanitario para Combatir la Crisis Sanitaria derivada del Covid-19 kamachiyta shuk niki rimanakuypi riksinkakuna, kay kamachiyka kullkimanta utkashpa rurana nishpa chayachishkami.
Kay Comisión Ocasional para atender Temas y Normas sobre Niñez y Adolescencia tantari, Encarnación Duchi kamachiy killkak pushashka, Kamachiy killkakkuna wawata, imillata tukuysami takayta anchuchina tupukunata churankapa rikun.
Kay Fiscalización y Control Político Minkarishka, Johanna Cedeño Zambrano pushakuk, hampinata yachakkunata chashkinapak rimanakuyta kallarin, paykunaka yachashkamanta riksishkamantapash, kay Covid-19 unkuy paktakushkata shinallatak Ecuador llaktapi hampina katikushkatami rimanka.
Kayna tuta, Mamallakta Tantanakuypak Comisión de Régimen Económico tantari pushak apuchiwan, pichka apuchi mana niwan, Ordenamiento de las Finanzas Públicas Hatun Kamachiy kallari atinakuyta charichun arinirka. Mamallakta Tantanakuyka 80 % patsakri nikita churarka, Mamallakta Pushak chayachimushka, shuktak kamachik churashka nikikunaka achkta allichishka karka.
Régimen Económico Minkarishka kay Ordenamiento de las Finanzas Públicas kamachiypak 40 niki killkatami 49 killkamanta anirka, ishkay niki kay 6 niki shinallatak 47 niki killka anchurirka; shinallatak 7 niki killkata apushitanapak mana paktarkakuna.
Kay Comisión de Desarrollo tantari kunan tutamanta akllashka wakaychishka kullkimanta rimarka. Kay kullkitaka hatun unkuyta harkankapa yaykurichun tukuy kamachiy killkakkuna, mañarka, chaypak uchilla kamachiyta churana, rimarka.
Mamallakta Tantanakuyta pushak, César Litardo Caicedo, mañashkamanta, Kamachiy killkakkuna virtual rimanakuypi, kaya wanra 28 puncha ayriwa killa, 10h00 pacha tutamanta, Carolina Caicedo Mesías, secretaria Técnica subrogante del Pan Toda una Vida shinallatak Iván Granda Molina, ministro de Inclusión Económica y Social (MIES) tantanakuy pushakkunata chaskinka, paykuna kay Covid-19 unkuy llakipi kullki llankay, ayllukunata yanapaypash imashina paktakushkatami willanka.
Kay Ejecutivo del Instituto de Fomento al Talento Humano (IFTH), Ramiro Moncayo kamachikwan, Mamallakta Tantanakuypak Comisión de Educación tantari, chay yanapay kullkiwan yachaykuna paktashkata katinka, kunan puncha, 14h30 sayllamanta 038 yupay rimanakuy kallarinka.
Trabajadores Minkarishkapi llankakkuna kay awaki 27 puncha 10h00 pacha tutamantami rimanakuyta kallarinka, kaypika kay kamachiypi achiklla willay tiyanamanta, llankakpak hayñikuna paktashka ama chinkarinamanta chusku killkakuna chayashkatami riksinkakuna. Shinallatak Ley de Seguridad Social kamachiy mushukyachina killkata tukuy kamachikkuna shik nikir rimanakuypi riksina chillkata arininkakuna, kaypika samana kullkita imashina yupanamantami rikuchin.
