Mamallakta Tantanakuy 662 yupay rimakuypi, kamachiy killkakkunapak 104 apuchiwan, 27 shuyay apuchiwan allikawsaypak istamanta kullkita, hampikkunata, hampikunata Mamallakta Pushak mashkachun mañarka. Chaykama Banco Central kullkiwasipi kullki tiyanmi nichun arinirka, chay kullkiwan hampita rantishpa Covid-19 unkuyta harkachun mañarka.
Imillakuna hawa Paktakay yachashka ukupi Comisión Ocasional de la Niñez tantaripi kimsachunka nikikuna allichishka karka. Kamachiy killkakkunaka llakichikukta rikushpa wanachina, ruray, katikuy, wanachiy patakuna, katikuy ñawparasha tukuri hawa rimarka, kamayku hawa rimanakuy, wanay allichiri hawapash kamachiy killkakuna rimanakurka.
Kay Consejo de Administración Legislativa (CAL) tantanakuy kay awki 13 puncha ayriwa killami rimanakurka kaypimi kamachiykuna ruranapak tawka killkata akllashpa hatunyachirka, tawka wankurimanta kamachi killkakmi chayachirkakuna, kaypika Covid-19.x unkuyta chimpapuranapak kamachiykunami.
Kay Grupo Parlamentario Fronterizo, kamachiy killkak Silvia Salgado pushashka, chaypi kak kamachiy killkakkunapak 13 apuchiwan, chay Convenio de Cooperación Interinstitucional yuyari, Ministerio de Telecomunicaciones (Mintel) kamaywasiwan, Corporación Nacional de Telecomunicaciones (CNT EP) kamaywasiwan rurashka yuyari ama tukurichun harkan. Chaypika Infocentros Comunitarios llankay mana hatunyanka, chaymanta runakunapak hayñi, llaktakuna wiñarina llankaykuna kichkiyanka, rimarka.
Kamachik, César Litardo Caicedo, Mamallakta Tantanakuyta pushak kamachiy killakkunata rimanakuyman kayarka, chayka shamuk, chilla, 15 puncha pusharinka, 09h30 sayllata kallarinka, chaypimi Kulllki kamachik, Llankay kamachik hatun unkuy hawa rimankapa, Mamallakta pushak kay llaki hawa arinishkata willankapa shamunka, ashtawankarin Mamallaktapi imashina kullki llankay kutintak hatarinata, mirarinata yuyarinka.
Kay wanra puncha, 07h30 tutamantami Comisión Ocasional Minkarishka wawakunapak wamrakunapak kamayta yachakkuna, karu virtual rikuchiypi wamrakunapak kamay imashina paktanamanta rimanakunka, ashtawankarin, llakichik wamrakunata chikanyashka wanachiypi paktanata, kashnami Código de la Niñez kamachiy rikuchin.
Kay Ashalla pachapak churashka Tránsito Minkarishka, karu rikuchiypi Distrito Metropolitano de Quito, Jorge Yunda pushak, Guillermo Abad, subsecretario de Movilidad; shinallatak, Juan Pazos, director Ejecutivo de la Agencia Nacional de Tránsito pushakkunawan kay Covid-19 unkuyta chimpapuranapak imalla llankay paktashkata willashkata chaskinka.
Mamallakta Tantanakuy, kay Comisión de los Derechos de los Trabajadores y de la Seguridad Social tantariwan, Primer Foro Virtual rimanakuyta ruranka, chay Covid-19 unkuyta harkankapa llankachikkunawan, llankakkunawan, kapuchikkunawan, amawta yachakkunawan rimanakuyta charinka.
Kay Comisión Ocasional tantaripi rimanakuypika imillakuna 14 watayukmanta llakichikpi, paykunapak hayñita ukllankapa kamachiywan huchachishka kanka, kaymi sinchi rimankuy karka. Kaytami kishpiychik paktachina kan, nirka. Kaytami Libro del Sistema de Responsabilidad Penal de Adolescentes y Justicia Especializada nikipi rimanakurka, chayka Código Orgánico de la Niñez y Adolescencia (CONA) kamachiy ukupi kan nirka.
Kay Comisión de Fiscalización y Control Político, Johanna Cedeño Zambrano pushashka, César Plaza willashkata uyashpa, payka General del Comité de Empresa de la Corporación Eléctrica del Ecuador (Celec EP) kamachik kan, mana allita llankakta uyashpa René Ortiz, Energía y Recursos Naturales no Renovables kamachikta kayanata yuyarirka, shinallatak Raúl Maldonado, Celec llankakta kayankapa yuyarirka.
