Kay killkak willay hillaykunapi rimashpa, Mamallakta Tantanakuyta pushak Elizabeth Cabezas, yachachikkuna, shuktak awllikkunapash, kamachiy killkakkuna yallik watapi kamachikkuna pushaypi kullkita hapishkata achiklla rikuchinka nirka, shina llaktaknaman riksichirka.
Kay Comisión de los Derechos de los Trabajadores y la Seguridad Social tantari, Liliana Durán kamachiy pusharka, kay Reformatoria a la Ley de Seguridad Social kamachiyta atinakunkapa sinchita llankan, kaytaka 10 kamachiy killkakkuna arinirka, kipaman Mamallakta Tantanakuy atinakuchu churanka.
Kamachiy killkakkuna kay Prevención y Sanción de la Violencia en el Deporte kamachiyta kallari atinakuyta pusharka, kay kamachiy pukllaykuna takaykuna, makanakuy tiyakpi kamanka, wanachinka, achuchinka, shina kasiklla pukllaykuna tiyanka nirka.
Shinami kamachiy killkakkunata 10 puncha, kuski killa chay “Corazón de la Patria” llakta, Riobamba kitipi, Chimborazo marka umapi tantarinka. Shinami, Elizabeth Cabezas Guerrero Mamallakta Tantanakuyta pushak, 534 yupay tantaripi willarka.
Mamallakta Tantanakuyta pushak kayarka, chilla, 5 puncha, kuski killa, 15:00, sayllata tantarinka, chaypi Recuperación de Capitales kamachiy hawa rimanka, llankayta runakuna rikuchun yanapanka, tukuy llankaykunapi ama kullki shuway tiyachun harkanka, llankaykuna, kullki yupaykuna achiklla kachun yanapanka.
Mamallakta Tantanakuyta pushak, Elizabeth Cabezas Guerrero, Corea del Sur llaktamanta kamachiy killkakkunata chaskin, paykunata Lee Young-Keun ista kamachik ñawpamurka, payka Ecuador llaktapimi llankan. Kay tantaripi mashiyarinkapa, yanapankapa sinchiyakunchik nirka.
Kuski killa kallari hunkapimi Jorge Gabela, awka kamachik wañushka hawa kallari willayta rikuchinka, FAE kamaywasipak awka pushak karka, shinami Ángel Gende kamachiy killkak, Comisión Multipartidista tantarita kipapushak willarka.
Kay Acuerdo Ministerial 094 yuyarita washaman sakishpa arinishkaka allimi kan nirka, 70 watata charik llankaypi rukuyashka runakuna paykuna, tukuy llankak rukuyashkamanta chawpi kullkita mana kushkata, kunan hapinata ushanka. Mamallakta Pushak, Lenín Moreno Garcés chaypi kakpi, Ministros de Finanzas, Diego Martínez kamachik, Trabajo, Raúl Ledesma kamachik, ishkantin kamaywasipura shuk yuyarita killkarka.
Kay Comisión de Régimen Económico tantari Sistema de Contratación Pública kamachiyta allichinkapa katikillapi churashka, kay kamachiyta allichinkapa Consejo de Administración Legislativa (CAL) tantari, allichishkata katishpa kanchis kamachiypi patachinka.
Kay Consejo de Participación Ciudadana y Control Social kamachiyta allichikpi shamuk akllaypi kari warmi akllarichun yanapan, chaypak Mamallakta Tantanakuy Pronunciamiento popular del pasado 4 de febrero runakuna arishkata paktachinka, kawsaypura kawsaypi tiksirishka kanka, Encarnación Duchi kamachiy killkak rimarka, payka 2018 tapuna, Comisión Ocasional tantariman yaykurishka kanka.
