Kamachiy killkakkuna 119 apuchiwan Contraloría General del Estado kamachikta, Superintendencia de Bancos kamachikta, Unidad de Análisis Financiero y Económico (UAFE) kamachikta, wakin kamachiy killkakkuna yanka kullkita hapishkata taripashpa yanapachun mañarka.
Kunan tutamanta, Elizabeth Cabezas, Mamallakta Tantanakuyta pushak, chay Paúl Pérez Reina, fiscal general de la Nación kamachikwan shuk tantarita charirka, ishkantin kamaywasipura makita kushpa llankanata yuyarirka, Mamallakta munay llankayta rurana hawa rimarkakuna, kayta katikillapi churana nirka, shuwaykuna tiyashka achiklla rikurichun nirka.
Kaya puncha 19h00 sayllata kay 30 wapai Oswaldo Guayasamín shuyushka Mural de la Patria maruta, Mamallakta Tantanakuypak Salón Plenario Nela Martínez ukupi yuyari pusharinka, chayman tawka runakuna chayanka.
Kay Comisión de los Derechos de los Trabajadores tantariman yaykurishka kamachiy killkakkuna, mushuk Servicio Público y al Código del Trabajo para Prevenir el Acoso Laboral kamachiy imashina paktashkata rikuchirka, kay kamachiyka Registro Oficial No. 116 yupaywan, 9 puncha, sasi killa, 2017 watapi llankay kallarirka. Kay kamachiy imashina llaktakunapi paktashkata Ministro de Trabajo, Raúl Ledesma willachun mañarka.
Kay Casa de la Democracia wasipi, kamachiyta, llaktay harkayta llankakun, kay killa 17, 21 punchakuna Parlamento de Jóvenes tantari pusharinka, Mamallakta tawka yachana wasikunamanta shamaunka, shuk punchalla kamachiy killkak tukunka, paykuna Pachamama Kamachiyta ashtawankarin rimanka.
Kay Ecuador llaktapak, Mamallakta Tantanakuyta Pushak, Consejo de Administración de ParlAméricas tantaripak kipapushak sakirin, payka ParlAmericas ukupimi llankanka, suyupi tiyak Mamallaktakunawan makita kushpa chinkarishka kullkita tarinkapa istallaktakunawan purinka, chay “shuway” llaki, kay llaktakumanta anchurichun Mamallaktakuna shuk yuyaytalla charina kanchik nirka.
Shinami kay Comisión de Régimen Económico, Código de Comercio yachayta ruran, rikuykunata churan. Suktak kamaywasikuna zirma maruta chayachin, chayka katuna ukuta kullkiwan mañankapa, kullkita kachankapa, kamayta kamachik tukuchikta, mintalayta kachankapa, ishkantin yuyarishpa kamayta tukuchina, allpatuñita willankapa, kamayta kamachiywan mañankapa, shuktak llakikunatapash riksinkapa kanka.
Kay Ecuador llaktapak, Mamallakta Tantanakuyta Pushak, Consejo de Administración de ParlAméricas tantaripak kipapushak sakirin, payka 2018 watamanta– 2020 watakama llankanka. Chaytaka 15 Asamblea Plenaria de ParlAmericas ukupimi llankanka, kay tantarika Victoria- Canadá llakltapi pusharirka, chaypimi 72 kamachiy killkakkuna, 26 Mamallaktamanta karka.
Kay Ecuador llaktamanta Mamallakta Tantanakuyta pushak, shuwaykuna tiyakpimi wakchayashpa runakuna kuyurin nishpa ParlAmericas tantaripi Elizabeth Cabezas rimarka, chaytami tukuy llaktakuna rikuna kachik nirka.
Kay Comisión Ocasional Multipartidista tantari, chay Jorge Gabela Bueno awka hatun kamachik wañushkata taripashpa katimun, payka Fuerza Aérea Ecuatoriana hatun kamachikmi karka, pay hawa kay killakunapi taripashkata riksichinkapa llankarka. Shuktak kamachikkunatapash kayanka.
