Kay Rafael Estrella, Consejo Nacional Electoral (CNE) awllik, kay Código de la Democracia kamachiyta allichina hawa, D´Hont akllayñanta anchuchina riman, Webster akllarina ñanta rikuchichun mañan, uchilla llaktay tantarita yanapanka willan.
Kunan chishi Mamallakta Tantanakuyta pushak Elizabeth Cabezas apuk Cuenca kiti pushak Marcelo Cabrera runawan rimanakurka, pay runaka Andrea Arteaga kay Empresa Municipal de Aseo de Cuenca (EMAC) tantanakuyta pushakwan chayamurka, paykunaka kay Orgánica del Servicio Público de Energía Eléctrica kamachiypak 60 niki killkata mushukyachinata utkachun mañaytami chayachirka.
Kay Comisión de Participación Ciudadana tantari, Lenín Moreno, Mamallakta Pushakta, Unidad Nacional de Almacenamiento (UNA EP) kulkapi wakaychishka llaruta kanchaman katuchun mañarka, kanchaman kallaripi churashpa katuchun riksichirka.
Kay Consejo de Administración Legislativa (CAL) tantari, Función Legislativa kamachiypak 164 niki ukllarishpa Sofía Espín kamachiy killkakta, Esteban Bernal churashka wanayta chanirka. Shinami Elizabeth Cabezas, Mamallakta Tantanakuyta pushak willarka, chay llakita rikuk minkashkata wiñachina nirka.
Kay Consejo de la Judicatura en Transición tantanakuypak llankashkamanta atirinakuymi rikurishka, chaymantami kanchis punchakuna ukupi rimarik Marcelo Merlo Jaramillo, presidente; Aquiles Rigail Santistevan; Angélica Porras Velasco; Zobeida Aragundi; y, Juan Pablo Albán runakuna llaktayukkuna taripashkata Fiscalización y Control Político Minkarishka ukupi achikyachinaman shamuchun Mamallakta Tantanakuyka kayachiska.
Kaya Comisión del Desarrollo Económico tantari, 09:30 sayllamanta, chay Servicio Público de Energía Eléctrica kamachiyta atinakunka, kipaman Compañías kamachiyta rimashpa katinka. Tukuchinkapa Fomento Productivo kamachiy imashina llankakushkata riksichinka.
Kay Ecuador llaktaman Tamin Bin Hamad Al-Tani runakuna, Emir de Catar llaktamanta shamurka, kaymantami tawka Latinoamérica llaktakunata riksishpa purikun. Kunan tutamanta, Mamallakta Tantanapuyta pushak Elizabeth Cabezas, hatun kamachiy killkakkunantin, Emir kamachikkunawan tantarirka.
Kay Código de Salud kamachiypak II Kamuta allita rikushka kipa, kay kamachiy ña allichishka rikurin, chaytami shamuk hunkapi atinakuchun allichishka kan, kipaman arinishka kanka, kay kamachiyka tukuy allikawsayta rikunka.
Kay Comisión de Fiscalización y Control Político kaya puncha, 15h00 sayllata rimanakuyta charinka, chaypi yallik Hatun Rubén Flores kamachikta chaskinka, Agricultura y Ganadería hatun kamachik karka, pay llankashkata tapunka, paytaka Verónica Guevara kamachiy killkak shuk wanayta churarka, Mamakamachiyta pakishpa panta llankashkata huchachirka.
Mamallakta Tantanakuypak 539 niki rimanakuypi pichka niki llankanatami churashka, kashnami Mamallakta Tatanakuyta pushak, Elizabeth Cabezas Guerrero apukka wanra 2 puncha wayru killa, 09:00 pacha tutamantapak kayachirka.
