Kamachik, Elizabeth Cabezas Guerrero, Mamallakta Tantanakuyta pushak, kay Danilo Sylva Pazmiño, Control del Poder de Mercado hatun kamachik kachun tiyachirka, payka pichka watatami llankanka, shinami Kamachiy rimashka 43 nikita paktachinka.
Kamachik, Elizabeth Cabezas Guerrero, Mamallakta Tantanakuyta pushak, shamuk 8 puncha, sasi killa, Quito llaktapi Mamallakta pushay tantari ruranka, tukuy marka, shulka, Mamallakta kamachikkuna tantarishpa Mamallaktata pushana hawa kayarka, llaktakunata yanapa hawa rimarka.
Chay Comisión de Relaciones Internacionales tantariman yaykurishka kamachiy killkakkuna, Ana Belén Marín pushashka, sasi, 7 puncha tantarichun kayashka kan, 10:00 sayllata Latacunga-Cotopaxi llaktapi tantarinka. Chaypimi ista hillaykunata rikunka, chaypi kawsayllapi tiyakta, supaychay wanachiy llakita anchuchinkapa rimanka.
Antawa purichina pankawanmi antawata, tarpuna antawata, llashak antawata purichinka. Kay Organismo Nacional Coordinador del Sistema de Educación Superior, chay Agencia Nacional de Regulación y Control de Transporte Terrestre, Tránsito y Seguridad Vial kamaywasi arinishkawan antawata pushachinata yachachinka.
Kamachiy killkak María José Carrión kayashka, Comisión de Fiscalización y Control Político tantarinka, chaypmi Mae Montaño Valencia, kamachiy killkak rimanka, paymi Diego García, exprocurador General del Estado kamachikta wanachina nirka, Mamakamachiywan, kamachiywan minkashkata mana paktachirka. Shinami 15h00 sayllata, Salón de Expresidentes ukupi pusharinka.
Yallik willak kamachik Fernando Alvarado yapa mashkashka kakun, shinami Ministra del Interior kamachik rimarka. Payka “Chakipi hihita kanichishka karka, shinami pay huchata charishkata taripayta rurankakama sakishka karka”, shinami kay Interior, María Paula Romo kamachik, Mamallakta Tantanakuypi willarka.
Kay “Secom, Inteligencia Estratégica, Ecu 911, Fernando Alvarado kamachik mitikushkata mana riksin”, kay hawa Andrés Michelena, kunan willak kamayuk, Mamallakta Tantanakuypi, 23 puncha, wayru killapi arinishkata rimarka, chayta riksik kamachikkuna rimayta charirka.
Kunan puncha, 15:30 sayllata tantarinka, shinallatak kaya puncha, 09:00 sayllata, kishpiychik kamachikkuna, shuktak kamachikkuna chay Fernando Alvarado yallik kamachik mitikushkata willachun Mamallakta Tantanakuyta pushak, Elizabeth Cabezas Guerrero kayarka, kay mitikuk kamachik paypak llankaypi hatun huchata charishka chaymanta katikun.
Kunan puncha, 15:30 sayllata tantarinka, shinallatak kaya puncha, 09:00 sayllata, kishpiychik kamachikkuna, shuktak kamachikkuna chay Fernando Alvarado yallik kamachik mitikushkata willachun Mamallakta Tantanakuyta pushak, Elizabeth Cabezas Guerrero kayarka, kay mitikuk kamachik paypak llankaypi hatun huchata charishka chaymanta katikun.
Kay Comisión del Desarrollo Económico tantari, chay César Rohón kamachiy rimashkata chaskin, chaywan Consejo de Administración Legislativa (CAL) arinichun mañan, payka kay Aviación Civil kamachiyta allichichun mañarka, shina alli kamachiy tukunka.
