Chay 16:15 sayllata, Martín Vizcarra, Perú llaktamanta Mamallakta Pushak, Mamallakta Tantanakuyman chayamurka, kay Elizabeth Cabezas Hatun Kamachik chaskirka, ishkantin Mamallakta kasilla kawsashkata yuyarirka, ñami 20 wata kan nirka, chay llakika 100 watatami kawsamurka nishpa rimarka.
Kay exministro de Finanzas, Carlos de la Torre, yallik kamachik paypak llankayta Mamallakta Tantanakuypi ukllarka, shinapak llaktay wanachiyta rurachin mañashkami kan. Pay 300 hunuta shuktak mutsuyman kacharka, kay kullkita Solidaridad a la Cuenta Única del Tesoro kullkimanta hapirka, chaypak kamachiykuna rimashkapi hapirishpa kacharkani nirka.
“Sumaychay kamachikmi kani, shinapash Mamallakta Tantakuypak hatun kamachikta sumaychanatami charini. Mamallakta Tantanakuy pakpak llankayta allichina pachapimi kanchik, kunan pachami llakikunata allichina pacha kan”, nirka. Shinami Radio Visión hillaypi, kunan tutamanta Elizabeth Cabezas rimarka.
Kayman Carlos Novoa Flor, Superintendente de Bancos kamachik, 17 puncha, wayru killa, 2017 watapi chay mushuk Norma de Servicios Financieros de las Entidades del Sector Público y Privado kamachiyta churarkachik nirka, Junta de Política y Regulación Monetaria y Financiera kamaywasi churashkami kan nirka, kay kamachiywan kullki llikata allichinka nirka.
Mushuk Universidad del Río, Guayaquil llaktapi wiñarichunka Mamallakta Tantanakuyta pushak, Elizabeth Cabezas churashkami kan. Kay 2015 watapimi chay Consejo de Educación Superior (CES) kamaywasiman yaykurirka, kay Fundación Nicasio Safadi kamaywasi, Pontificia Universidad Católica de Valparaíso de Chile kamaywasi yanapakta riksinchik.
Chay Ministerio de Transporte kamachik, Comisión del Desarrollo Económico tantariman shamunka, chaypi Fomento Productivo kamachiy paktashkata rikunka. Shinallatak Superintendente de Bancos subrogante, Juan Carlos Novoa kamachik shamunka.
Kay Comisión Multipartidista tantari kamachiy yachakta, huchata rikuchikta uyarka, yanka kullkita hapishka hawa Norma Vallejo kamachiy killkak imashina kay llaki kashkata riksichirka, kaypi huchachikkuna churashka shuyupi rimarka, kamachiy yachakkuna uyankapa shamurka.
Kay Palacio de Carondelet wasipi Ecuador llaktapak hatun kamachikkuna tantarin. Kaypimi Elizabeth Cabezas, Mamallakta Tantankauyta pushak karka, shuwaykuna ama katichun takashpa harkana, ama kunkarichun mañana nirka. Shinami “Mamallakta Tantanakuyshina llaktayta chapakrinchik nirka, yallik willak Fernando Alvarado mitikushka, rimarka”, Mamallakta Tantanakuyta pushak rimarka
Kay llaktay kamayta, Mamallakta Tantanakuy rikunka, shinami Comisión de Régimen Económico tantari, superintendentes de Bancos, Carlos Novoa Flor kamachikta; Control de Poder de Mercado, Christian Ruiz kamachikta; Intendente de Seguros, Paúl Franco kamachkta; Defensora del Pueblo, Gina Benavides kamachikta kayanka.
Kay Kay Encarnación Duchi wawakunata kamachiywan ukallak tantarita pushan, payka Cañar llaktamanta, runa kamachiy killkakmi kan, wawakunata ukllankapa mushuk kamachiyta killkankapa kallarin, chay kamachiy tukuy llaktakunapi kamachiyta ukllanka.
