Mamallakta Tantanakuy chay Consejo Nacional Electoral (CNE) pichka Consejo Nacional Electoral kunakkunata llankaypi tiyachirka, Esthela Acero, Enrique Pita, José Cabrera, Diana Atamaint, Luis Verdesoto kamachikkuna tiyarin, 2018 watamanta, 2024 watakama llankan, shinami Consejo de Participación Ciudadana y Control Social Transitorio kamaywasi kachashkata paktachin.
Mamallakta Tantankauyta pushak, Elizabeth Cabezas Guerrero, shamuk chilla puncha, sasi killapi, 16:30 sayllata, sukta watapi Calle Piedrahita chay Bulevar Cívico ñanta, mushuk kuskakunawan kiti llaktayukkunaman tikrachikrin, chay puncha tukuy, mikuna, tullpu, arwakuna tiyanka.
Kay mushuk Reformas al artículo 28 de la Ley de Seguridad Socia kamachiy; shinallatak hapishka willana hillaykunapi llankak llakipi katin; antawakunapi llankakkunapak llakipash katin, kaykunatami Comisión de los Derechos de los Trabajadores chilla 21 puncha rimanka.
Chay Comisión de Desarrollo Económico tantari, Mamallaktapak kay Kikinllatak Kamachikmanta, Comité Empresarial 2019 watapak hatun kullki yanapayta chaskirka, shinallatak Consorcio de Gobiernos Autónomos Provinciales del Ecuador (Congope) kamachikta, Empresarial Ecuatoriano kamachikta, Centro de Competitividad kamachikta uyarka.
Kay Violencia Política contra las Mujeres yachay ukupi, Elizabeth Cabezas Guerrero, Mamallakta Tantanakuyta pushak, tukuysami kari warmi takayta harkankapa, anchuchinkapa tantarishun kayarka, ashtawanakarin llaktaypi takayta harkana nirka.
Mamallakta Tantanakuy Eduardo Jurado, Mamallakta Killkakamayukta kayankapa 84 apuchiwan arinirka, chay kamachikka kay punchamanta chunka pichka punchapimi shamunka, payka imamantatak kulllki wasikuna kullki llikawan yanka kullkita hapin, chayta willachunmi kayashka kan.
Kay Comisión Ocasional de Seguridad Fronteriza minkashka kamachiy killkakkuna, Seguridad Integral del Estado kamachiy ña arinishka kan.
Kay Comisión de Derechos Colectivos tantari, kay Comunicación Kamachi mushukyachun ishkakutin rimbnakunkapa allichin, tawka runakunapakm, yuyaykunata chaskishpa killkarka.
Kayna chishi, Mamallakta Tantanakuy, payllatak mana allikunata pichakun, chaymanta mana kushiyarina kanchik, Elizabeth Cabezas, Mamakllakta Tantanakuy pushak rimarka, Sofía Espín, Norma Vallejo kamachiy killkakkuna llankaymanta llukshikpi shina rimarka.
Mamallaktapak wasi ukuka waylla tullpuwan shuyurirka. Shinami tukuy kamachiy killkakkuna riksichirka, paykunaka Ruku yachikkuna mañashkatami yanapan, chaymanta riksishkakuna kan. Shinami 121 kamachiy killkakkuna apuchiwan yanaparka. Tantarina uku hawamanta “ Uchanchikmi”, “Ushanchikmi”, kaparita uyachirka.
