Sukta sayllata atinakushpa kipa, 30 kamachiy killkakkuna rimashkawan, kayna tuta Mamallakta Tantanakuy 75 apuchiwan Willay Kamachiyta arinirka, manarak kay kamachiyta arinishpa tantarita pushakkunapak, kamaywasikunapak yuyaykunata chaskirka, chaywan mushuk kamachiy killkarishpam Mamallaktapim tiyarin, kay kamachiy tukuykuna rimayta charichun yanapanka, Mamakamachiywan, istakamachiykunawan kimirin, willana hayñikunata paktachinka.
Kay Comisión de Biodiversidad tantari, chay Comité Nacional de la Conferencia Consultiva Política del Pueblo Chino (CPPPC) tantarimanta shamukta chaskirka, paykunawan makita kushpa pachamamata unipak kamana hawa rimarka.
Chay apuchiwan Comisión de Educación tantari, Para la Institucionalización del Festival Internacional de Artes Vivas de Loja como Espacio de Encuentro y Fomento de las Expresiones Culturales e Identidad del Ecuador kamachiyta arinirka, chayta kipaman rimanakuyta charinka.
Kay Comisión del Desarrollo Económico minkashka kay Eficiencia Energética kamachiyta chillapuncha rimanka. Shinami kay kamachiy ishkaykutin rimarichun allichinka, chaymi tukuykunapk alli kamachiy tiyarinka. Kay llankayta puchak Estaban Albornoz, kamahiy killkakkunata kay killa,19 puncha, 09:30 sayllapak kayarka, kay kamachiyta, shuktak mutsurishkata rimanka.
Chay llaktayukkunapak, Ecuador llaktapak purik runapak kamay llankayta ashtawan riman, kay llaktayukta, purik runawan mashiyarina Mamallakta Tantanakuy sinchita llankan, shina allpa awkita hawapi churan, runakuna purina llakita ashayachin.
Shinami Pukllana kuskakunapi llakikuna, takaykuna, ahaykuna, waktaykuna tiyakta anchuchinkapa Prevención y Sanción de la Violencia en el Deporte kamachiyta killkakun, chay kamachiy kay llakikunata harkankapa, anchuchinkapa yanapanka. Imashinami yallik watakuna ayllukuna, kusa warmi kasiklla, kushilla pukllay pampakunapi karka shinallatak kachun tiktachinka.
Mamallakta Tantanakuy yuyak runakunapak hayñikunata 13 puncha, kapak killapi arinirka, chaypi Convención Interamericana sobre la Protección de los Derechos Humanos de las Personas Mayores, Organización de Estados Americanos (OEA) tantari, sitwa killa, 2015 watapi churashka kan. Shinami Constitución de la República kamachiy, shuktak kamachiykuna arinishkata yaykuchin.
Shinami kunankama 24 puncha, pawkar killa, 2019 watapi akllarinkapa llankaymanta kamachiy killkakkuna llukshirka, Shinami Elizabeth Cabezas, Mamallakta Tantanakuyta pushak willarka, chaypi runakuna tawka tapuykunata tikrachirka.
Mamallakta Tantanakuypak yuyariwan ishkay yachak runakunaman “Asamblea Nacional de la República del Ecuador doctor Vicente Rocafuerte”, kamarita kurka. Shinami Javier David Flores Cedeño, José Vicente Galecio Franco kamarita chaskirka.
Kay Comisión de los Derechos de los Trabajadores, yaykurishka (8) kamachiy killkakkuna, Reformatoria de la Ley de Seguridad Social de la Policía Nacional kamachiyta ishkaykutin atinakunkapa arinin, kay kamachiyka invalidez, vejez, muerte (IVM) hawa yanapnka, llankaypi rukuyashka kullkita hapinkapa ex Caja Policial kullkiwasita tikrachimunka.
