Kay Elizabeth Cabezas, Mamallakta Tantanakuyta pushak, kamachiykuna utka llukshichun utkachin, kamachiy killkakkuna ñapash llankaykunata pushan rimarka. Kaytami radio Quito, ankipi tukuy llaktakunaman willarka, chay 2019 watapak aymuray killakama tawka kamachiykunata arinina nirka, chaymanta kamachiy killkakkunata shuk hunkapi 4 kutin tantarinkapa kayanka.
Chusku hatun kamachikkunami chay Guayaquil llaktapi 18 pakta runakuna hampina wasipi wañuskata, 12 pakta runakuna chukririshkata riksichichun Mamallakta Tantanakuy kayanka. Musparishka runakunata hampina wasipimi chay llaki tiyashka kan. Kay Comisión de Fiscalización tantarimi imashina kay llaki kashkata katinka.
Chay Guayaquil llaktapi 18 pakta runakuna hampina wasipi wañuskawan Mamallakta Tantanakuy nanarin. Chaymanta taytamama, ayllukunaman kamachikkuna shunkumanta nanari napayta, shimi yanapayta chayachin.
Kay Ecuador llaktapika taytamamantin yuyarishpa churikunata ishkantin wiñachinaka, ayllupi shuklla yuyayta charishpami paktarin rimarka, kamachiyka mana tankanata charinchu, shinami Verónica Arias kamachiy killkak rimarka, kay Interpretativa al artículo 106 al Código de la Niñez kamachiyta riksichirka.
Kay Kamachiy killkakkuna Movilidad Humana kamachiywan purik runakuna llankayman yaykurichun yanapan, shinallatak runakuna kamachun, purik runakuna wasita charichun yanapayta charichun llankan, tayta Relaciones Internacionales tantari ñawpakman pushakun.
“Kawsakpi kullkita kuchun, wañukpika imapak…”, shinami rukuyashka yachachikkuna Mallakta Tantanakuypi takirka, chayta uyashpami 2008 watamanta, 2010 watakama anchurishka yachachikkunata kamachiy killkakkuna (119) apuchiwan arinirka, shinami Mamakamachiy rimashkata paktachirka. Kay kamachiyka kipaman Kamachiy Kipupi killkarinka.
Kay Consejo de Administración Legislativa, CAL tantari, shamuk samarina punchata rimankapa tantarirka, shinallatak Plan Estratégico Institucional de la Asamblea Nacional para el 2019 – 2021 llankayñanta riksirka, kay Función Legislativa kamachiyta allichinka shuk minkashkata wiñachinata rimarka.
Kay Relaciones Internacionales tantari Movilidad Humana kamachiywan purik runakuna llankayman yaykurina, runakaunata kamachun, purik runakuna wasita charichun yanapayta charichun llankan, tayta Mauricio Zambrano kamachiy killkak kay yuyayta churarka.
Kay Mamallakta Tantanakuywan, Distrito de Educación Latacunga Kamawasiwan “Asamblea en mi Colegio”, yachayta pushanka, Latacunga kitipak 11 yachana wasikunapak yachakukkuna chayanka, sapan yachanawasikunamanta kanchis yachakukkunata kayarka.
Kaya, 9 puncha, kulla killapi mushuk Anticorrupción y Protección del Denunciante kamachiyta arininka, kipaman kallari atinakuyman yaykurinka, kay kamachiytaka Comisión Especializada Permanente de Justicia y Estructura del Estado pushamun.
