Mamallakta Tantanakuyta pushak Presidenta Elizabeth Cabezas, shuway hawa, saltyashpa Argentina llaktamanta Carlos Parma kishpiychikwan shuway hawa rimarnakurka.
Mamallakta Tantanakuypi Elizabeth Cabezas Guerrero, alli llankaywan wiñaykawsaypi rikurin, chay El Comercio Belkis Sánchez willakwan, Gonzalo Ruiz willakwan rimanakuyta charirka, paykunawan “La Verdad en Pleno”, hawa rimarka.
Kay Unidad Educativa Maurice Ravel yachanawasimanta 28 wawakuna tapuywan, pukllaysiki Mamallakta Tantanakuyman chayamurka, paykunaka Calderón shulkamanta shamurka, paykunaka Mamallaktapak wiñaykawsaywan kuchiyarirka.
Kay Comisión de Derechos Colectivos, Mamallakta pushak allichishka Comunicación kamachiypak kallari 6 nikita arinirka, shinallatak Consejo de Regulación y Desarrollo de la Información y Comunicación (Cordicom) apuyta, kamayta, pushayta arinirka, hatun yachana wasimanta, tantarimanta, runallaktakunamanta, shukpaklla kamaywasikunamanta runakuna yaykurinka.
Chay Fondo Común kullki mashkana tiyashkata riksina, chaytami Comisión de Biodiversidad tantariman yaykurishka kamachiy killkakkuna, Consejo de Planificación y Desarrollo de la Circunscripción Territorial Especial Amazónica pushakta, Álex Hurtado, Julia Landázuri runakunata tapurka, paykuna Antisuyu kamachiy imashina llankakushkata willarka. Shinapash tapushkata mana achiklla sakirin nishpa mañan.
Mamallakta Tantanakuy runakunapak allikawsayta, pachamamata kamashpa 91 apuchiwan Ministerios de Energía, Ambiente kamachikta, Agencias de Regulación y Control Minero, Arcom kamachikta, Regulación y Control de Electricidad Arconel kamachikta kayankapa yuyarirka, paykuna Comisión de Fiscalización tantari ñawpakpi llankaykunata rikuchinka.
Kaymi Comisión de los Derechos Colectivos tantari allichishka Comunicación kamachiyta kutintak pankata katishpa rikukun. Kallari tantari Mamallakta Pushak allichishka 26 nikikunata rikurka, kayami ashtawan shuktak nikikunata rikushka katinka.
Mamallakta Tantanakuy warmikunata takayta anchuchinkapa 104 apuchiwan supaycharka. Ashtawankarin Diana Carolina R. R. warmita wacha puncha Ibarra llaktapi wañuchishkamanta Mamallakta Tantanakuy supaycha, shinallatak tawka kamachikkuna takashun mañarka.
Shinami Mamallakta Pushak Elizabeth Cabezas, chay Diana Carolina, Martha warmikuna wañushkamanta nanarirka. Tukuy warmukuna shina sapan punchami takashka kan. Mamallakta Kamachiykunata charin, mana shitashkachu kanchik, waykami takayta anchuchina kanchik nirka.
Kay “warmikunata takayka punchantami katin, Ecuador llaktapi warmi kakpi wañuchikkuna katin. Wañuchishkapak ayllukuna kay llakikunata katichun mañan, taripak kamachikkuna imashina katinata mana yachan”, shinami María Dolores Machado, Red de Familias Víctimas de Femicidio (FAVIFE) tantarimanta rimarka.
