Mincha 13 puncha, panchi killa, 10:30 sayllata, Mamallakta Tantanakuy 578 yupay rimanakuypi chay Seguridad Social de la Policía Nacional kamachiyta kallari atinakuyta charinka, kay kamachiyta René Yandún kamachiy killkak charishkami kan.
Kulla killamanta, 524 awllikkuna, 137 kamachiy killkakkunata yaykuchishpa 5% patsakrita urayachirka, chaymanta Elizabeth Cabezas Mamallakta Tantanakuyta pushak, 10% patsakri kullkita urayarka. Kay, kallari killa, 2019 watapi, $ 93 kullkita ashayachishka, shuk watapika $ 1 hunu kullkita hapinka.
Mamallakta Tantanakuyta pushak Elizabeth Cabezas, payllatak ParlAméricas kipapusha kashpa, Ginebra-Suiza, llaktapi, kay killa, 7 punchamanta, 9 punchakama hatun tantaripi kanka, chaypimi l Comité Preparatorio de la Quinta Conferencia Mundial de Oradores de la Unión Interparlamentaria (UIP) tantari tiyachun allichin, chayka 2020 watapi pusharinka. Chayka 178 tantarita,12 suyu tantarita kayan.
Mamallakta Tantanakuy, kay Comisión Mutipartidista tantari willayta uyashpa, Ronny Aleaga kamachiy killkak, chay Ana Galarza kamachiy killkakta huchachishpa, 91 apuchiwan llankaymanta surkurka, chayka ña mana kamachiy killkak kanchu, paypak llankaypi huchata charishkamanta wanachishka sakirin, Función Legislativa kamachiypak 163 niki, 3 yupayta paktachin.
ay Comisión de Biodiversidad tantariman yaykurishka kamachiy killkakkuna raymipi kanchik, rimarka, 12 puncha, panchi killa Día de la Región Amazónica puncha kan, kay puncha Antisuyu runakuna paypak llaktapi llankachun mañashka kanka. Shina chay llaktapi kawsak karikunapak, warmikunapak mutsuyta kishpiychinka, chaytami Planificación Integral de la Circunscripción Territorial Especial Amazónica kamachiy yanapanka.
Mamallakta Tantanakuy, Mamallakta pushak, Código de la Producción 10 nikikunata allichinata, shinallatak Solidaridad kamachiyta allichinkapa arinirka, chay kamachiywan Manabí, Esmeraldas markakunata yachaywan, riksina llankayta wiñachishpa yanapanka, llankay sakirishkata allichishpa yanapanka.
Kay Código de la Producción kamachiyta, Solidaridad kamachiyta allichikpi, kamachiywan llankakpi kullki yaykurichun, llankay wiñarichun kasmashka kanka, Lenín Moreno Mamallakta Pushak allichishka nikikunata rikushpa, kamachiy killkakkuna atinakushpa yapa allichirka.
Kay Consejo Nacional Electoral kamaywasipak kipa rimayta charikkuna Mamallakta Tantakuypak ñawpakpi llankaypi tiyarirka, paykunaka: Mérida Elena Nájera Morcira; Hugo Andrés León Calderón; Ezequiel Hernando Morales Vinueza; María Kristina Kronfle; Mónica del Rosario Noriega Carrera kipa kamachikkunami kan, chay Consejo Nacional Electoral kamaywasipi llankanka, paykunataka Consejo de Participación Ciudadana y Control Social Transitorio (CPCCST) akllashka kan, 2018 watamanta, 2024 watakama llankanka.
Kunan puncha, Mamallakta Tantanakuy Corte Constitucional mushuk kishpiychikkunata llankaypi tiyachirka, paykunaka: Luis Hernán Salgado Pesantes; Hilda Teresa Nuques Martínez; Agustín Modesto Grijalva Jiménez; Daniela Salazar Marín; Pablo Enrique Herrería Bonnet; Carmen Faviola Corral Ponce; Karla Elizabeth Andrade Quevedo kamachikkuna llankaypi tiyarirka, iskun watata llankanka, sapan kimsa watapi kimsata rantinchinka, shina Mamakmachiypak 432 nikipi rikuchin.
Kay Comisión de Fiscalización y Control Político tantari, María José Carrión kamachy killkak pushashka, kaya puncha, 15h00 sayllata tantarinka, chaypimi Central Hidroeléctrica del Río Piatua llankayta rikuy kallarinka, chayka Santa Clara kitipi, Pastaza amrkapi sakirin, chaytaka Genefran SA llankakwasi pushakun.
