Kay Comisión de Fiscalización y Control Político tantari, 24 puncha, kay killapi, Montecristi llaktapi, Manabí markapi pusharirka, chay Carlos de la Torre, exministro de Economía y Finanzas kamachikta llaktaywanachiyta ruranka, kay mañaytaka Tanlly Vera, Rina Campain, Carmen Rivadeneira kamachiy killkakkunami churarka.
Mamallaktapak Comisión de Relaciones Internacionales, kay Derecho Marítimo yachayta ruran, kaypi kamachiyta pakishpa chalwanata anchuchinka, 200 millas marítimas allpata kamanka, kipaman unipak wiwakuna, sachakuna, ima tiykpash kawsachun mañan.
Kay Superintendencia de Comunicación (Supercom) kamaywasita anchuchina, ñawpa llakta pushak kichushka kamaywasikunata mintalana shinallatak willachik ayllukunata ukllana, kacharishpa rimanata rikuranami kay Comunicación kamachiy rurarinapak killkapi rikurin, apukkuna shuk niki rimanakuypi riksinapak, kay wanra 25 puncha kuski killa 09:00 pachami 538 niki rimanakuypi paktarinka, kashnami Mamallakta Tantanakuyta pushak, Elizabeth Cabezas Guerrero apuk kayachirka.
Shamuk, 26 puncha, kuski killa, 15:00 sayllata Comisión de Régimen Económico ukuman shamunka. Chay Ministro de Finanzas, Richard Martínez kamachik rimanka, chaypi Para la Planificación Integral de la Circunscripción Territorial Especial Amazónica kamachiy llankakushkata riksichinka, chaypak watapak Presupuesto General del Estado kullkita churanka.
Chay Comisión del Desarrollo Económico tantari Compañías kamachiyta, Gabriela Larréatigui kamachiy killkak churan. Compañías llankakwasikuna kishpiyrishka tantarichun mashkan, kipaman kanchamanta kullkita apamunkapa yanapanka, nishpa riman.
Kamachiy killlkak, César Litardo, Los Ríos markamanta shamushka, Mamallakta Tantanakuywan, Cooperación Interinstitucional de Lucha Contra la Corrupción tantariwan, Fiscalía kamaywasiwan, Contraloría y la Unidad de Análisis Financiero (Uafe) kamaywasiwan, yanka kullkita hapishkata achiklla rikuchinata mashkan, Mamallakta Tantanakuypak awllikkuna kullkita hapishkata taripanka.
Kay Asociación de Servidores Legislativos tantari, Mamallata Tantanakuy pushakushka “mi sueldo no se toca” rimayka chapak kamaywasikuna puskakushka taripaytami achkata yanapan, yallik kamachiy killkakkuna, kunanpi llankak kamachiy killkakkkuna chay Fiscalía General kamaywasipi wanayta churashkata katichunmi yapa yanapan.
Kay Comisión del Desarrollo Económico sinchita llankakun, tukuy Aviación Civil kamachiyta allichina hawa rimashpa katin. Kunanpika tantaripika antankapi purina achka kullki kakta rimarka, chayka antankapi pawak runakunata, kapukkunata apana llakichin nirka.
Mamallakta Tantanakuy, Fiscalía General del Estado, Unidad de Análisis Financiero y Económico, Contraloría General del Estado kamaywasikuna Convenio de Cooperación Interinstitucional de Lucha contra la Corrupción, shuk yuyarita killkarka, kay yuyariwan ancha llakikuna rikurishkata anchuchinka.
Mamallakta Tantanakuyta pushak Elizabeth Cabezas, yallik kamachiy killkakkuna, kay kamaywasipi llankakkuna kullkita yanka hapishka wanaykuna rikurin nishpa riksichin, chayta katinkapa Mamallakta Tantanakuy ishkay arininata surkun nirka.
