Kay Comisión de Relaciones Internacionales minkashka kay tukurina killakunapi mintalana yuyarita llankarka. Shinami Verónica Rodríguez kamachiy killkak rimarka, chayka mintalana, churashka hawa, llaktakuna wiñarina kan. Chaywan Mamallakta ashtawan wiñarichun mashkan nirka.
Kay Justicia minkashka, Fiscalización minkashka 2016 watamanta offshore llankaywasi, chay paraísos fiscales llaki hawa taripayta pushamurka. Kamachiy killkak Marisol Peñafiel kamachiy killkay tantaripi kak rimarka, paktakayta pushakmi imashina churashka kullkita shuwakta tarirka, kay llakita Rikuk kay llakita katin. Kaymanta rimashpa ista 16 wanachik kamachikkunata mañarka, 96 hichachishka tiyan, 16 runakuna wichkana wasipi kan.
Mamallaktata Pushak Rafael Correa Delgado, chay 8 puncha, panchi killapi, Mamallakta tantanakuyman Eficiencia de la Contratación Pública kamachiyta allichishpa tikrachirka, shinami Código Orgánico de Organización Territorial, Autonomía y Descentralización kamachiypak nikikunata ashtawan rikunka, shuktak kamachiypak nikikunawanpash tantachishpa hapinka.
Kay Acuerdo Comercial Multipartes con la Unión Europea yuyariwan llankay kallarikpi, 18% churashka kullki ña anchurirka, ashtawankarin lluchankata yanushkata katushpami shina rikurirka. Ñawpaman, 3.6% ashayachishka churashka kullkita kurka, chayka Unión Europea yanapay ukupimi karka, shinami yallik kapak killakama karka.
Kay Acuerdo Comercial Multipartes con la Unión Europea yuyariwan Makirurakkunaman yanapay tiyakpipash, paykuna wakin yuyaykunata achikyachichun shuk rimanakuyta Kamachikkuna rurachun mañan, chaypimi achiklla sakirichun nishpa riksichin. Shinami Pablo Arias, Federación General de Artesanos de Pichincha (Fegapi) tantarita pushak rimarka.
Mamallakta Tantanakuy kay Tratado de Marrakech rimashkata arinishka, kay Marrakech rimashka ñawsa, shuktak unkuyta charik runakuna tukuylla rurayman, killakshka pankaman yaykurichun yanapan. Kay hillayka kikin rurashka hayñi kamachiyman hawalla yaykurichun achkata yanapan, shinami Cecilia Ludeña kamachiy killkak riksichirka.
Mamallaktapi Tukuyman hamishpa rikuchishpa, achikyachishka, wanachishkami kana kan, shinami Ximena Ponce kamachiy killkak, Alianza País llaktay tantarimanta rimarka, shinallatak Antonio Posso Salgado kamachiy killkak, payka Avanza llaktay tantarimantami kan, shinami Medios Legislativos Tercer Debate willaypi karka. Kay Pacto Ético rimaypimi shina willarka, kay tapuytaka Mamallakta Pushak 19 puncha, panchi killapi paraísos fiscales tapuy hawa willarka; Mossack Fonseca hawa; Mamallaktapak hatun kamachik kay llankayta pushakun.
Pay Monseñor Luis Alberto Luna Tobar wanra, 7 puncha, panchi killapi wañushkata yachakchayashpa Mamallakta Tantanakuy achkata llakirin, mama Gabriela Rivadeneira, Mamallakta Tantanakuyta pushak kay twitter llikata katishpa nanarita chayachirka ¡Hatun llaki! Luna Tobar Hatun Kushipata wañushka, wakchakunawan llankak iñikwasi rikurik chinkarin nirka.
Kay mushuk Economía Popular y Solidaria kamachiyka Mamallakta Pushak allichichun, shitachunpash shuyakun, chay kamachiyka mintalaytami rikuchin, chay economía popular y solidaria (EPS) kay Economía popular y solidaria llankakta tukuylla rantinataman yaykurichun kaman, shina: katuna kuskata wakaychin, paymanlla katuchun rikun, zirma shutikunata rikun, manarak katushpa kullkita hapichun yanapan, Mamallakta rantina kakpi akllashpa shuyan, shuktakkunapash yanapan.
Kay muchuk Equilibrio de las Finanzas Públicas kamachiy, 29 puncha, ayriwa killa, 2016 watamanta shamun, churashka kullkita hapina llikata achkata yanapan, churashka kullkita imashina paktakaywan, paktarakiwan llankanata yanapan, Cotopaxi markamanta Rocío Albán riksichirka.
