Shamuk awaki puncha, 20 puncha, pawkar killa, 15:00 sayllata, kay Comisión de Justicia y Estructura del Estado minkashka, Aplicación de la Consulta Popular kamachiyta riksinka, chay 19 puncha, panchi killa, 2017 watapi llaktakuna, paraísos fiscales hawa arinirka
Kunan kulka puncha, Código Orgánico de Entidades de Seguridad Ciudadana y Orden Público kamachiyta rimanakuy kutintak kallarin, 10:00 sayllata kallarirka. Kay Comisión de Relaciones Internacionales, María Augusta Calle kamachiy killkak tantariman yaykurishka kamachiy killkakunata kayarka. Kay Servicio Civil de Investigación de la Infracción II kamu hawa rimaywan kallarinka.
Kay Gobiernos Autónomos minkashka kaya, 16 puncha, pawkar killa, 09:45 sayllata tantarin, Guayas markawan, Manabí markawan saywata charichunmi rimanka, chayka Manga del Cura kuskapimi sakirin. Kay kamachiywan kay uchilla suyupi kiti saywa, marka saywapash allichirinka, 27 puncha, kuski killa 2015 tapuypi llaktayukkuna arinishkatami paktachinka.
Mamallakta Tantanakuy pushak Gabriela Rivadeneira, Rosana Alvarado Kipapushak; shinallatak Carlos Bergmann, Verónica Arias, Armando Aguilar kamachiy killkakkuna, paykunantin Consejo de Administración Legislativa (CAL) tantari llankay kallarirka.
Kay Comisión del Derecho a la Salud, chay Código de Salud kamachiyta minkashka kallari atinakuyman richun arinirka, kay kamachiyka mana tsiknishka hampiman yaykurichun kaman, shinami Mamakamachiypi, ista hillaypi rimashkata paktachirka.
Kay “Contigo de Ley” yachayta kunan wanra puncha kachashkapi, Mamallakta Tantanakuyta pushak Gabriela Rivadeneira, 19 puncha, pawkar killapai Ecuador llaktapi kawsak rukunakuna ista llaktapi charikkuna kullkita ama charichun harkana kamachiyta kacharka.
Kay María Elsa Viteri, chay Colectivo Deudores de Buena Fe, Mónica Bolaños warmi yanapashka kan, chaymanta Restructuración de las Deudas de la Banca Pública, Banca Cerrada y Gestión del Sistema Financiero Nacional y Régimen de Valores kamachiyta manarak ishkaykutin atinakukpi paykunapak yuyayta Mamallakta Tantankuypi churarka. Kay 20 watata llakita, urmachishka, hayñita pakishka, sumaykayta pakishka kawsan, shinallatak manumanta llukshinkapa ñanta mashkashka.
Kay Justicia y Estructura del Estado minkashka, 14 puncha, pawkar killa, 09:30 sayllamanta, 273 yupay tantaripi, mushukyachishka Código Orgánico Integral Penal (COIP) kamachiyta apuchinka.
Mamallakta Tantanakuyta pushak, Gabriela Rivadeneira, kamachiy killkakkunata 439 yupay tantariman kayarka, chilla puncha 09:30 sayllata kallarinka. Shinallatak Contralor General del Estado kamachikta tiyachinka, kallari atinakuypika Código de Comercio kamachiyta atinakunka.
Kamachiy killkak Carlos Bergmann, kay Régimen Económico minkashka, restructuración de las deudas de la banca pública, banca cerrada y gestión del sistema financiero nacional y régimen de valores kamachiyka wawakullkita, wanachishka kullkita, wanachishkamanta yapa kullkita, yapa kullkita mana kuchun sakichin, kay llakika 1999 watamanta shamun.
