Kay muchuk Equilibrio de las Finanzas Públicas kamachiy, 29 puncha, ayriwa killa, 2016 watamanta shamun, churashka kullkita hapina llikata achkata yanapan, churashka kullkita imashina paktakaywan, paktarakiwan llankanata yanapan, Cotopaxi markamanta Rocío Albán riksichirka.
Kamachiy killkak Galo Borja, Mamallakta Tantanakuypak Comisión de Régimen Económico y Tributario tantarita kipapushak, chay Unión Europea llaktawan, Ecuador llaktawan mintalankapa yuyarishka kipa, llankak wasikuna sumaklla, kasiklla llankakun.
Kamachiy killkak María Luisa Moreno, payka Manabí markamanta shamun, 10 killata kay Solidaridad y de Corresponsabilidad Ciudadana para la Reconstrucción y Reactivación de las Zonas Afectadas por el Terremoto de 16 de abril de 2016 kamachiyka achkata yanapan nirka, Manabí, Esmeraldas markakunapi, shuktak llakirishka kuskakunapipash kutintak kullki mirarichun yanaparka. Yallik 30 puncha, kapak killa, 1.077 hunu kullkita kay llaktakunapi llankashpa tukuchishka, chaypak kay kamachiy yanaparka.
Kay Ecuador llakta ñami Movilidad Humana kamachiyta charin. Kunan 6 puncha, panchi killa, chay Registro Oficial Nº 938 kamaywasipi killkachirka. Kay kamachiyka purik runakuna hawami riman. Markapi, Mamallaktapi llankak kamaywasikuna imashina purik runata yanapana hawa paypak makipi charin nirka. Purik runa kawsaykamayman killkarinata ushan, utkashpa ishkayniki yachayta tukuchinka, hatun yachana wasiman yaykurinka nirka; tikramushka runakuna mañachishka kullkita hapinka, chay kullkiwan mushuk llankayta wiñachinka.
Kay Termómetro Ciudadano rimanakuy patakupi, Mamallaktapak willay hillaypi Diego Vintimilla kamachiy killkak rimarka, payka Azuay markamanta, Alianza PAIS tantarimanta akllarinkapa kan, Jéssica Jaramillo Yaguachi, Distrito Sur de Quito llaktamanta, Avanza tantarimanta kan, kamachiy killkak tukunkapa akllarinka.
Kay Comisión de Soberanía y Relaciones Internacionales kipapushak, Dora Aguirre, panchi killa 4 punchamanta, 24 punchakama, 2016 watapi kulla killamanta, kapak killakama Dora Aguirre pay llankashkata Europa llaktapi rikuchinka, chaypimi Milán, Génova, Italia llaktapi sakirin; shinallatak España llaktapi Madrid, Barcelona, Valencia, Murcia kitikuna kanka; chay Londres llakta, Reino Unido llaktapi sarin, paykuna uyanka.
Mamallakta Tantanakuyta Shukniki pushak, Rosana Alvarado, Mamallakta Tantanakuyka tukuy katikillata paktachirka nishpa willarka, kamachiykunata llaktayukkuna yuyayta churashkawanmi killkarirka rirka.
Kay Código de la Economía Social de los Conocimientos, la Creatividad y la Innovación (INGENIOS) kamachiyta, apya-yalapi rimankuyta charin, shinami chay Universidad de la Sorbona yachanawasipi, París llaktapi rimanakukun, chaypimi nikikunata riksikun, pay paktashkata, kamachiy alli kashkami rimakun.
Kamachiy killkak Noralma Zambrano, mushukyachina Código de la Función Judicial kamachiyta rikuchirka, kay Ecuador llaktapak sapan markakunapi kay contencioso administrativo kishpiychikkuna tiyachunmi mañan. Kay uku tiyakpika yapa llaktayukkunami paktakayta charichun yuyan.
Warmi kamachiy killkak, Betty Carrillo, Mamallakta Tantanakuy Anciano kamachiyta mushukyachina hawa riman (Registro Oficial kipupi13 puncha, wayru killa 2006 watapi killkachishka kan) yuyak runapak hayñita ukllan “ shutimanta kallarin, kunanpi llankak kamachiyka mana yanapanchu, paya llankaykunawan purin”, nishpa riksichirka.
