Kay Comisión de Biodiversidad, Grupo Parlamentario Amazónico, kaya Sucumbíos llaktapi tantarinka. Kay Circunscripción Territorial Especial Amazónica kamachiy allita killkarichun yuyaykunawan yanaparka. Kamachiy allpakuna nikirichun mañan, shinallatak antisuyupak kullki, tantari, kawsaytarpuy, pachamama tiyashpa katichun, wiñarichun kayan.
Kay Economía Popular y Solidaria kamachiy 20 atinakuyta charirka. Kamachiy killkakkuna chikan chikan rimaykunata charirka, llankay kuskata, rurayta sinchichinata tukuykuna shuklla yuyayta charirka. Kay Comisión de Régimen Económico pushak, Virgilio Hernández shina rimarka, rimaykunata tantanka, chayka kipa punchakunami chayanka.
Ka Biodiversidad Minkashkaman Antisuyu kamachiy llukshichun Antisuyu markakunamanta, Chimborazo,Tungurahuam markamanta kamachik chayamurka. Paykuna Circunscripción Territorial Especial Amazónica kamachiyman yuyaykunata churarka, kay kamachiyka Sapan markapimi tantarikuna, kullki hawa, kawsaytarpuy, pachamama hawa llankayñan kanka. Pachamamata kamankapa, ukllankapa allpata nikina kamachiy tiyanka nirka.
Kay Comisión de Biodiversidad minkashka chay Zamora Chinchipe markapi, Circunscripción Territorial Especial Amazónica kamachiyta riksichin, kay kamachiyka Mamallakta pushak yuyayta kuskami kan. Kay kamachiywan Antisuyu markakuna paktapakta wiñarichun, yaykurichun achkata yanapanka, allpakunata nikishpa pachamamata unipak charirayana kachun yanapanka.
Mamallakta Tantanakuy Ecuador llaktawan Oficina del Alto Comisionado de las Naciones Unidas para los Refugiados (ACNUR) tantariwan pakakukushkata ukllankapa ACNUR tantariwan yuyarirka. Killkakshka pankapi ACNUR tantari tiksi yanapayta ruranata rikuchirka. Kay Movilidad Humana kamachiyta paktachin, ista llaktakuna pakakushka runata ukllanatami rikuchirka.
Kay Comisión de Biodiversidad atisuyupak Sucumbíos, Orellana, Napo, Zamora Chinchipe, Morona Santiago, Pastaza markakunaman chayanka, chaypimi Circunscripción Territorial Especial Amazónica kamachiyta rimanakunka. Sapan markapimi tantarikuna, kulki hawa, kawsaytarpuy, pachamama rimana patakukuna tiyanka. Kay kamachiypak kallari atinakuyta charinkapami kanka.
Kay tukuri punchakunapi shuyashka kamachiy Mamallakta Tantanakuy arinirka, chayka Movilidad Humana Hatun kamachiymi kan. Tayta Jorge Glas samarinaman llukshichun arinirka, shinallatak Código Administrativo kamachiyta atinakuy kallarirka. Minkashkakunapi Código de la Salud, Circunscripción Territorial Amazónica kamachiykunata rimankapa arnirkakuna. Kay Fiscalización, chay Fiscal General hatun kamchikta, Embajador de Ecuador en Estados Unidos ista kamachikta chaskirka, paykuna Odebrecht llankaywasi llakita rikuchirka.
Kay Movilidad Humana kamachiyta arinishpa, Purik runakunapak tantari, uchi tantarikuna Dora Aguirre kamachiy killkakta yupaycharka, achka watakunata purimushkamanta shuk unanchashina kakta rikuchirka.
Mamallakta hunta Tantanakuy Código Administrativo kamachiyta rimanakunkapa kallarirka, kay kamachiyta 430 yupay tantaripi rimankunka, kay kamachika tukuylla kamaywasiwan, llankak runakunawan kimirishpa llankanka.
Ecuador llaktapi kawsak runakuna, ista llaktapi kawsak runakuna, riksinkapa ñukanchik Mamallaktaman shamukkunapash paykunapak hayñita kamak kamachiytami charin. Chaymanta Movilidad Humana Hatun kamachiyta arinirka. Kamachiy killkakkuna ukllarishpa, wiñaykawsay kakpi kushiyaywan kay kamachiymanta kushiyarirka. Hawa hatun ukupi tikramushka purik runakuna kushikuywan Mamallakta Tantanakuyta yupaycharka. Kay kamachiyta kallaripimi arinirka.
