Mamallakta pushak, Rafael Correa, Mamallakta Tantanakuyman mushukyachina Empresas Públicas kamachiyta kachanka. Kay kamachiyka Mamallaktaman kullkita kuk llankaykunata kimichishpa tantachinkapami yanapan, shina Mamallaktapak tukuylla llaktayman yaykurinka.
Kay de Movilidad Humana kamachiyta ishkay niki atinakuypak, Comisión de Relaciones Internacionales pushak, María Augusta Calle, Ecuador llaktamanta purik runakunapak tukuykunapak hayñita, ista llaktamanta kay llaktapi purik runakunapak hayñita riksin, mayhan runapash purik kashkamanta mana tsiknishka kankachu nirka. Tantarikuna, kamchiy killkakkuna, kamaywasikuna shuk kamachiyta charinkapa makita kuna kanchik nirka.
Kamachiy killkak Raúl Auquilla, Soberanía y Relaciones Internacionales minkashkaman yaykurishka, kay kamachiyta killkankapa sinchita llankashkata riman, kay Movilidad Humana kamachiyta ishkaykutin atinakuchun churanka.
Kay Movilidad Humana kamachiy tawkasami paypak llaktamanta llukshishpa purik, mayman rik runakunanapak llakita allichichun yanapan. Tikramushka, purik, paklla purik, ista ukllayta mutsuk runakunapak hayñikunata, ruranakunata, mañashkakunata, imashina ukllana ñankunata churan.
Kay 8 kamachiy killkakkuna Eficiencia en la Contratación Pública kamachiyta allita rikushpa, mama Rosana Alvarado Mamallakta Tantanakuy Kipapushak, ishkay kutin atinakuyta chaypilla sakirka.
Ista hillayta, mushuk kamachiyta arinishpa Mamallakta Tantanakuy llaktayukman alli yanapayta rurashka, kaywan Mamallakta wiñarichun yanaparka. Shinallatak especulación de las tierras kamachiyta, Morona Santiago markapi llakita, minkashkakuna tawka kamachiykunata, kamachiy killkakkunaman riksichirka.
Kanchis apuchiwan, Gobiernos Autónomos Descentralizados minkashka para Evitar la Especulación del Suelo kamachiyta ishkaykutin atinakuchun arinishka. Shinapash kay killkapi mushukyay tiyan.
Kay Comisión de Justicia y Estructura del Estado minkashka, chay Código Orgánico Administrativo (COA) kamachiyta ishkayniki atinakuypak arinirka, kay kamachiywan llankakkunawan, tukuylla llankayta kuk wasikunawan imashina kimirinata kamanka.
Kay Grupo Parlamentario por los Derechos de la Mujer, Azuay llaktamanta kamachiy killkakkuna kay COIP kamachiy allichirichun tawka yuyaykunata churarka, kamachiyta pakishpa chaywan warmikunapak hayñita ama takachun harkanka.
Mamallakta Tantanakuyta pushak, mama Gabriela Rivadeneira, Código Orgánico del Ambiente kamachiyta Mamallakta Pushakman kacharka, chaypi anchuchinka, allichinkapash, imashina Mamakamachiypi rimakta rikushpa, Orgánica de la Función Legislativa kamachiypi rikushpa allichinka.
