Mamallakta Tantanakuy kay hunkapi achka atinakuykunata charirka. Kay chilla, kulka punchakuna Código del Ambiente kamachiyta atinakurka. Kaypillatak pukllakkunata, pushakkunata kamriwan rikisirka. Shinallatak minkashkapi allpa pampakunata shuway ama tiyachun, chani tiyachun, kamachiy rikuchun rimarka, samarina puncha ishkayniki atinakuy kachun rimarka.
Pay Comisión de Gobiernos Autónomos tantaripak ñawpakpi rikurishpa, amawta Ángel Torres, Asociación de Municipalidades del Ecuador (AME) kachashka, kay kitikunapak hatun tantari allpa pampakunata shuway ama tiyachun, chani tiyachun, kamachiy rikuchun yanapan.
Kay Comisión de Justicia minkashka, Código Orgánico Administrativo ishkaykutin atinakunkapa allichishpa katin. Kay Tribunal Distrital de lo Contencioso Administrativo kamachikkuna, Federación de Servidores Públicos pushakkuna upallalla kamay hawa rimarka, Mamallaktapak awllik kamachiywan ukllarinamanta riksichin.
Uksi pachapi, ecológicamente equilibrado pachapi kawsana, pachamamapak hayñita, pachamamata chanina, runakunapak yachayta tinkina, kay Código del Ambiente kamachiyta rimanakuy kamaywasi rikuna hawa rimaymi kanka.
Mamallakta Tantanakuy kunan chishi, tutapash IV Jornada Cultural Sueños y Utopías kushikuyta tantachirka, llaktayukkuna Mamallakta Tantanakuy llankashkata riksichin, shina runakuna shamuchun, kaypi kachun kayarka. Kay shina tantarita Quito, Guayaquil, Cuenca llaktakunapi chay punchallatak pusharka, chaypimi yachachinawasikuna, tantarikuna, kamachiy killkakkuna karka. Kunan watapi 13 kamachiy arinishkata riksichirka.
Kay Código de Ambiente kamachiyta manarak ishkaykutin atinakushpa pachamama hawa yachakwan rimankushpa, Mamallakta Tantanakuy Confederación de Nacionalidades Indígenas de la Amazonía Ecuatoriana (CONFENIAE) tantari, Promotores Ambientalistas tantari, Colectivo Ecuador “Tradiciones y Cultura tantari”, Coordinación de Juventudes Ambientalistas (RENAJU) tanatri, ambientalista y ecologista tantariwan rimanakurka.
Mamallakta Tantanakuy Juegos Olímpicos, Paralímpicos pukllakkunata riksin, paykunaka XV niki, XXXI niki Juegos Paralímpicos y Olímpicos Río, 2016 watapi pukllarka, Ecuador llaktamanta pukllakkuna shunkumanta pukllayta, astita, ushayta rikuchishpa misharkakuna.
Mama, Gabriela Rivadeneira, Mamallakta Tantanakuyta pushak, manarak kay mita llankayta tukuchishpa, kay Feriados kamachiyta arininkapa riksichin, kay kamachiy shamuk wilkawiñay raymimanta llankay kallarinka riman, samari punchakuna mirarishpa riksina kuskakuman kullki yaykunka nishpa riman.
Mamallakta Tantanakuy 7 puncha, kapak killata, 14:00 sayllata kallarinka, chayka Jornada Cultural Sueños y Utopías llankaymi kan. Mamallakta Tantakuyta pushak, mama Gabriela Rivadeneira llaktayukkuna chaypi kachun kayan, kawsaytarpuyta, takikunata rikuchichun kayan, shinami sumak kawsayman yaykuchin.
Kay Código Administrativo kamachiyta rikisichika, Azuay markapi pusharirka, Justicia y Estructura del Estado minkashka, Mariangel Muñoz kamachiy killkak pusharka, tukuylla kamayta, runakunawan kimirikta rikuchinka, shinallatak kamachiywan llankayta, tukuylla llankayta, tukuylla, llaktayuk ushaypak kamayta sumaychanka, chukllayachinka shina runakunata yanapanka.
