Kay Protección de Derechos a la Intimidad y Privacidad sobre los Datos Personales hatun kamachiy, kay kamachiyta, Gabriela Rivadeneira, Mamallakta Tantanakuyta Pushak killkarka, kamachiy killkak shinami rikuchirka, kay kamachiyka tukuy runakunapak sapan runapak, kikin yuyayta, shukpaklla ima tiyakta ukllana, kamana hayñitami charin. Chay imakunaka: tiksikuna, kulkakuna, wakaychishka kipukuna, kaykunaka pankapi, zirma killkakata kamanka; kayka tukuylla kuskapi, shukpaklla kuskapi kanka.
Kaya awaki, 19 puncha, kuski killapi Mamallakta Tantanakuy shamuk hunkata kutintak llankay kallarin. Kay 13 minkashkakuna paykunapak kamachiy llankaywan, llankayta rikuywan katinka. Shinallatak kamachiy killkakkuna hatun rimanakuywan katinka.
Pay Wilson Chicaiza kamachiy killkak, Ecuador llaktapi tiyak kiti aylllullaktapi, shulkapi pukllayta riksina kamachiyta tiyachun riman. Kay kamachiyta (GAD) kamchiykuna pushachun riman, achka watapak kuskakunata mañachishpa, chaykata pukllak tantarikuna, runakuna tantaripash pushanka.
Kamachiy killkak Mauricio Proaño, chay Quisapincha shulka, Tungurahua markapi, kay Agrobiodiversidad, Semillas y Fomento Agroecológico kamachiy hawa rimanakuy maykama paktashkata runakunaman riksichirka. Kay kamachiyka tarpukkunatami yanapan nirka, ayllullaktapak, runallaktapak, llaktapak uchilla pukuchikkunata sumak ruraywan, kullkita mañachishpa yanapan nirka.
Kay Quito llaktapi rikuchishka kipa, “Mujeres Progresistas por el País que Queremos” tiksita tiyachirka, shinami Imbabura llaktapi pusharirka, 200 warmikuna chaypi karka, llaktay pushakkuna, runakunawan llankak, chay llakatamanta, Mamallaktamanta kamachikkuna karka.
Kay Derechos Colectivos minkashka llankak tantarikunata churanka, paykunaka markakunaman llukshinka, shinami runakuna, kamachikkuna rimashkata hapinka, chaywan mushuk kamachiy ruku runakunapak mutsuyta killkanka.
Kay Desarrollo Económico minkashkata kipa pushak mushuk kamachiykuna killkarikuy paktashkata, mashna punchapi tukuchinata, llaktakunaman riksichinatapash rimarka.
Mamallakta Tantanakuyta pushak, mama Gabriela Rivadeneira, markakunapi purishpa katin, kunanka Los Ríos markapi karka, chay llaktapi warmikunapak, tarpukkunapak, yachakukkunapak yuyayta chaskirka, tantarikunapak yuyaytapash hapirka.
Mamallaktapak pushak, Rafael Correa, Regula a las Compañías que Financien Servicios de Atención Integral de Salud Prepagada y a las de Seguros que Oferten Cobertura de Seguros de Asistencia Médica kamachiyta akllichirka. Kay 14 nikikunami alichishka kan, kay Superintendencia de Compañías rikushkami kan, kullkita charik kamaywasikuna hampita rurachun kullkiwan yanapanka.
Kay Derecho a la Salud minkashkata pushak, William Garzón Ricaurte kamachiy killkak, kallari sukta killapi ishkay kamachiyta llankana karka, chayka: Código Orgánico de Salud y la Ley de Regulación de las Compañías que Financien Servicios de Atención Integral de Salud y a las de Seguros que Oferten cobertura de Seguros de Asistencia Médica kamachiy, shuktak kamachiypak rikushka kan.
