Mamallakta Tantanakuyta pushak, Gabriela Rivadeneira, kay hunka llankayka Guayas markapi kallarirka, mayhan willana ñankunata katishpami willarkakuna, chay Parto Humanizado del Centro de Salud de Santa Lucía wasipimi shina rimarka.
Chay Chimborazo markamanta kamachiy killkak, Rosa Elvira Muñoz: tsikni harkakuna tiyakta yuyarishpa, kay yuyaypi tiyak harkakunata anchuchinkapa achkata ñakarinami sirin nirka, chaymanta Mamallakta Tantanakuymanta yanapak kamachiykunata tiyachina nirka. Kay kamachiykuna: yachaypi kana, kikinkay, kikin rimayta sumaychana, kariwarmi pakta kana, uni watakuna kimsakutin manyayachikunata charimushka. Warmi kashkamanta, runa kashkamanta, paklla warmi kashkamanta kay llakikunata charishka kan.
Kay Movilidad Humana mushuk kamachiypak willayta atinakuy kallarin. Kay Francisco Hagó kamachiy killkak, payka Relaciones Internacionales minkashkaman yaykurishkami kan, kay rimanakuy patakupi kallari atinakuyta charinkapa. Kaypika kamachiy killkakpura achka rimanakuy kallarirka, tawka chikan chikan yuyaykunata tiyashkamantami ashtalla usharishka.
Kay Relaciones Internacionales minkashkata pushak, María Augusta Calle, imatalla kay patakupi llankashkata riksichin, shuk llanka: ista llaktakunawan yuyarikunata, rimanakuykuna imashina kashkata rikuna. Tukuyka 12 yuyarikunami kan, chayka: kullki hawa, pachamama hawa, amawta yachay hawa, sumakruray hawa kan. Shukka Ecuador llaktawan, Costa Rica llaktawan mamakuchapi saywa llakita allichina karka, chaywan Mamallaktapak shuk wiñaykawsay tukun, shinami allpata, yakuta saywashka kan.
Kamachiy killkak Fausto Cayambe, Derechos de los Trabajadores minkashkaman yaykurishka, kamachiy killkakkuna samarishka kipa, Mamallakta Tantanakuypak tantaripak minkashkakuna Seguridad Social de las Fuerzas Armadas y de la Policía Nacional kamachiyta allishpa arininka, kay killa tukurikama Mamallakta Tantanakuyman ishkay atinakuypi rimachun chayachinka.
Wasipi llankak warmikunaman, kawsaykamayman yaykurichun, warmi kashkamanta wañuchuishkamanta wanachichun, 18 watata charishpa sawarichun Mamallakta Tanatanakuy kamachiyta arinishpa yanaparka, shinami Rosana Alvarado Mamallakta Tantnakuyta Kipapushak rimarka.
Kay “Mujeres Progresistas por el País que Queremos” tantari, kay shutipi tukuy markakunamanta 300 warmikuna tantarirka, Ecuador llaktapakunapi kaparirka, chikan chikan tantarikunamanta shamurka, paykunaka mushuk Ecuador llaktata shayachina yuyaykunawanmi tantarirka.
Kay Incentivos Tributarios kamachiy tarpuyta, kunanlla Mamallakta Tantanakuy arinishka kamachiymi kan, kay kamachiyka mana allikawsaytalla, antawatalla, kamanchaman katunatalla yanapankachu: tarpuyta, wiwakuna wiñachinata yanapanka, kay llankaykuna mana churashka kullkita charinkachu.
Kay Justicia y Estructura del Estado minkashkata kipapushak, Mariangel Muñoz kamachiy killkak, paymi Código Administrativo kamachiy hawa allita rimarka, kay kamachiytami Mamallakta Tantanakuypi rikukun, katikuy hawalla kachun, tawka kamachiykunata wiñachin, kay kamachiywan kamayman pushan.
Kay Incentivos Tributarios Hatun Kamachiyka ñami mushukyarirka. Chayka tawka kapukyachikkunaman 547 nikipi rimashka, Código Orgánico de Organización Territorial, Autonomía y Descentralización kamachiy paktanka. Kay kamachiyka tawka kullkiwan llankakkunata yanapashka allichinka, kayna awaki punchami Mamallakta pushakman kachashka kan, paymi Mamakamachiywan arininka, mana ninkapash.
