Kunan tutamanta, Mamallakta Tantanakuyta Pushak, César Litardo Caicedo marka kipakamachik mañayta chaskirka, paykunaka Código Orgánico de Organización Territorial, Autonomía y Descentralización (Cootad) kamachiyta allichichun mañarka. Marka kipapushakkuna llaktakunata yanapak shuk llankaytalla charichun, kamachiypi killkarichun mañarka.
Chay La Concordia kitipak Santa Martha 2 y Agromache llaktapi kawsak runakunapak hayñita allichinkapa, Comisión de Biodiversidad tantari, chay Contralor, Pablo Celi de la Torre kamachik willashkata chaskinka, Gobierno Autónomo Descentralizado kamaywasita yanapanka, chay Banco del Desarrollo kullkiwan yanapanka nirka.
Mamallakta Tantanakuy kaya puncha, 696 yupay rimanakuywan katinka, chaypi chawpi Mamakamachiyta allichishpa katinka, ashtawankarin Consejo de Participación Ciudadana y Control Social (Cpccs) kamaywasita anchuchinata, Fiscalía General del Estado kamaywasiu, Función Judicial kamaywasi chikan kachun atinakunka.
Kay Derechos Colectivos tantaripi, chay Jorge Navarrete, Servicio Nacional de Atención Integral a Personas Adultas Privadas de la Libertad y a Adolescentes Infractores (SNAI) kamachik, wichkana wasikunapi llakikuna tiyakta, runahayñita pakishkata rikushpa, wishkashka runakunata tiyachinkapa, kamankapa pata mana tiyanchu nirka.
Kay Constitución de la República del Ecuador allichinamanta rimanakurka, kaytaka Comité por la Institucionalización Democrática hawa llankamurka, chaymanta Mamallakta Tantanakuy hatun rimanakuypi minkashkakunata chaskirka.
Kunan tutamanta, Mamallakta Tantankuyta pushak , César Litardo Caicedo, chay “Del Cerro a la ría, Durán un Recorrido Histórico” kamuta chaskirka, chayka Mamallakta Tantanakuypak kamu wasipak ukupi kipurinka, maymutsurik Durán kitipak, Juan Jiménez Kunak killkashkami kan, chay kitika Guayas markapimi sakirin.
Kay Comisión de Soberanía y Relaciones Internacionales tantari, Fernando Flores Vásquez pushashka, kay Protección de Datos Personales kamachiyta allichinkapa. Tayta César Solórzano, Mamallakta Tantanakuy kipapushakta, Universidad Internacional del Ecuador (UIDE), Jaqueline Guerrero yachakta chaskirka. Paykuna mushuk yuyaykunata pucharka.
Kay Comisión de Gobiernos Autónomos tantari, kunan puncha rimanakuyta charirka, chaypi Vivienda de Interés Social Hatun Kamachiyta rimanakushpa katirka. Manarak rimanakuyta kallarishpa Héctor Yépez Martínez kamachiy killkak, kayna Quito llaktapi, Asociación de Municipalidades Ecuatorianas (AME) pushakkuna, paykunapak hayñimanta kaparikpi chapakkuna llakichishkamanta llakirirka.
Kay Ecuador llaktamanta pachamamta ukllak tantarikuna, wiwata kamak tantarikuna, Código de Ambiente kamachiyta allichinkapa rikuykunata churarka, Comisión de Biodiversidad tantari kallari atinakuyta rurachun yuyaykunata kayna rimankuypimi churarka.
Kay Soberanía Alimentaria tantari, Lenin Plaza Castillo pushashka, kaya puncha, 09h30 Sayllamanta rimanakuy kallarinka, chaypaman Paulo Arturo Proaño Andrade, Ministro (e) de Ambiente y Agua kamachikta chaskinka, payka Disposiciones Transitorias Cuarta y Sexta, de la Ley para el Fortalecimiento y Desarrollo de la Producción, Comercialización, Extracción, Exportación e Industrialización de la Palma Aceitera y sus Derivados kamachiy llankaypi paktashkata riksichinka.
