Kay Comisión de Justicia y Estructura del Estado tantari, José Serrano Salgado pushashka, 8 apuchiwan kay Defensoría Pública kamachiy ishkaykutin atinakuypak ñami willayka 161 rimanakuypi allichishka kan, chayta Mamallakta Tantankuyman pushanka.
Mushuk kamachiy killkakkuna, kunan wata, aymuray killa, 14 punchamanta llankarinka. Chaymanta, Mamallakta Tantanakuy arinishka 95 % patsakri Kamachiykuna llankayman yaykurinka, shuk kamachiyka Función Legislativa (LOFL) shutimi kan. Kay ukupimi César Litardo Caicedo, Mamallakta Tantanakuyta pushak, paypak llankayta tukuchinka, chaypak 40 puncha sirin.
Kunan puncha, César Litardo Caicedo, Mamallakta Tantanakuyta pushak, Romo-Leroux de Mena, Elsa kullkiyachakman Dra. Matilde Hidalgo de Procel, al Mérito Social, Mamallaktapak shutipi achkata llankashkamanta warawata kurka, paypak churi Jorge Mena makipi millkachirka.
Kay Derechos Colectivos Tantari, kaya puncha 15h00 sayllapak, Ministro de Gobierno, Gabriel Martínez kamachikta, Trabajo, Andrés Isch kamachikta kayanka; shinallatak Consejo Directivo del Instituto Ecuatoriano de Seguridad Social, Carlos Tamayo pushakta; Defensor del Pueblo, Freddy Carrión kamachikta kayanka, paykunami kay punchakuna Furukawa C.A. llankakwasi llankakkunata llakichishkata willanka.
Karumanta rimankuypi Consejo de Administración Legislativa (CAL) tantari, 034 yupay rimanakuypi, kunan tutamanta 6 apuchiwan, shuk shuyanwan kay Reformatoria al Código Orgánico Monetario y Financiero para la Defensa de la Dolarización Hatun Kamachiyta chanirka, kay Kamachiyka kay rikuk kamachiy mutsushkata paktachin rimarka.
Pawkar killa 29 punchamanta, ayriwa, 2 punchakamanta Código de Protección Integral de Niñas, Niños y Adolescentes kamachiy hawa willayta killkashpa katinka; kay Salud, Juan Carlos Zevallos kamachikta pay mana alli llankashkamanta, kullkita mana alli tukuchishkamanta wanachina nirka.
Mamallakta Tantanakuy Código Orgánico de Protección Integral de Niñas, Niños y Adolescentes kamachiypak yuyaykunata chaskirka, shinami mana kamachik tantarikunata, kamaywasikunamanta yachakkuna shamurka, paykuna yachaykunata, rikuykunata, yuyaykunata churarka.
Kay Mamallakta Tantanakuy Código de Protección Integral de Niñas, Niños y Adolescentes kamachiy atinakuyta kallarirka. Kay kamachiyka wawakunapak kallarita, hayñita, kamayta kunka; Derechos de las Niñas, Niños y Adolescentes en sus Relaciones de Familia kamachiyta; katipika Sistema Nacional Descentralizado de Protección Integral de Niñez y Adolescencia hawa ñawpachinka achkata kallaripi churashpa llankanka.
Kay Comisión de Régimen Económico tantari, 12 apuchiwan Régimen Tributario Interno kamachiy willayta arinirka, chaywan Gobiernos Autónomos Descentralizados (GAD) kamaywasi hatun yachanawasikunaman iva kullkita mana kunka, paykunapak Impuesto al Valor Agregado (IVA) kullki sakirinka.
Kay Comisión de Justicia tantari, José Serrano Salgado kamachiy killkak pushashka, shamuk awaki puncha Defensoría Pública hatun Kamachiyta ishkayniki atinakuyman yaykurichun rimanakunka, chaypak tawka kamachikkuna, yachakkuna, tantarikuna, kamaywasikuna rikuyta, yuyayta churararka.
