Kay Fiscalización y Control Político tantari, Elio Peña Ontaneda pushashka, kamachiy killkakkunawan rimnakuyta charinka, chayka rimanakuyka kunan puncha,15h00 sayllata kallarinka. Chaypi René Ortiz, Durán, Ministro de Energía y Recursos Naturales no Renovables kamachikta chaskinka, paymi Esmeraldas markapi punkara mirachina hawa, Empresas Chinas y Tailandesas katunamanta riksichinka.
Tayta César Solórzano, Mamakllakata Tantakuypak kipahatun pushak, hatun killkakamayuk ukumanta, kaya puncha Mamallakta Tantanakuypak 693 yupay rimanakuyta, 688 yupay rimanakuyta pushanka.
Kay Transparencia, Participación Ciudadana y Control Social Tantari, Gloria Astudillo kamachiy killkak pushashka, kay Extinción de Dominio kamachiyta pusak apuchiwan arinirka, kipaman Lenín Moreno, Mamallakta Pushakman kachuchun mañan, kay kamachiyta Mamallakta Tantanakuymi kay kulla killa 19 punchapi arinishka kan, Kamachiy Kipukman kachachun mañarka.
Kay Función Legislativa Hatun Kamachiypak 47 nikita katishpa, Consejo Nacional Electoral (CNE) Diana Atamaint kamachik pay watapi llankashkata Mamallakta Tantanakuyman riksichirka.
Kay Comisión de Régimen Económico kayna chishi, Sistema Nacional de Contratación Pública kamachiypak nikikunata allichirka. Kay nikikunata allichishpa, Franco Romero patakunata pushak, Mamallakta llankaykunata chapankapa kay kamachiy allichirichun mañan nirka, shinami Mamallaktapak kullki shuwayta anchuchishun, rimarka.
Kay Comisión de Soberanía, Integración y Relaciones Internacionales tantari, chay “El Mundo por la Democracia, Elecciones 2021” rimanakuyta pusharka, chaypimi Mamallakta Tantanakuy, Consejo Nacional Electoral (CNE) kamaywasi, Ecuador llaktamanta ista llaktakunapi kawsak runakuna apuchinamanta rikurka.
Kay Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo kamachiy killkak pushashka, chay Héctor Romero, Desarrollo Rural kipa hatun kamachik; Juan Antonio López, Tierras y Territorios Ancestrales kipakamachik; Francisco Ticina, coordinador Jurídico del Ministerio de Agricultura y Ganadería kamachik rimashkata uyarka, paykunaka tarpuna pampakunapi llankashkata willarka.
Mamallakta Tantanakuy 121 apuchiwan kay Ministro de Salud Pública, Juan Carlos Zevallos kamachikta llankaymanta surkunkapa arinirka, kipaman Lenín Moreno, Mamallakta Pushakta mañashun nirka, manarak anchurishpa Mamallakta Tantanakuyman shamuchun mañarka.
Kay Función Legislativa Hatun Kamachiypak 47 nikita hapishpa Kullka puncha chapak kamachikkuna, shuktak kamachikkunapash watata llankaymanta hatuntantariman willanka, shimi César Solórzano Sarria, kipa hatunpushak kayashkata, 10h00 sayllata paktachinka.
Kay Bosque del Chocó kuskapi mana Kamachiy arinishkawan llankakpi chuki llakikunata riksishpa, Ministro de Ambiente y Agua, Paulo Proaño kamachik, Mamallakta Tantanakuymanta Comisión de Biodiversidad tantaripi yaykurishka kamachiy killkakkunata yanapanata arinirka, wakllichishkakunata kutintak allichina nirka
