Mamallakta Tantanakuypak 685 yupay rimanakuyka kunan puncha chishiman katinka, kunan chishi 15h00 sayllata kallarinka, chaypimi Para la Racionalización, Reutilización y Reducción de Plásticos de un solo Uso en el Comercio kamachiyta ishkayniki atinakuypak allichinka; kay rimanakuypillatak Procesos de Transferencias de Inmuebles a Personas Naturales o Jurídicas de Derecho Privado hawa, Reformatoria a la Ley Orgánica para el Cierre de la Crisis Bancaria de 1999 hawa rimanka.
Kallaripika ushnuywan chay Catedral de la Inmaculada ushnuywan, Bicentenario de Independencia de la ciudad de Cuenca raymi kallarirka, chaypimi César Litardo Caicedo, Mamallakta Tantanakuyta pushak karka, payppash rimayta charirka.
Kay wayru killa, Azuay markamanta 28, 30 punchakama Unidad Educativa Camilo Ponce Enríquez, Mamallakta Tantanakuypak llankayta karumanta Asamblea en mi Colegio yachayta hapirka, chaypimi imashina kamachiy killkak kanata, atinakunata, rimanakunata, pushanata, ashalla tantarishpa atinakunata riksirka.
Kay Derechos de los Trabajadores minkashka, Karina Arteaga Muñoz kamachiy killkak pushashka, kunan puncha, 14h00 sayllamanta kamachiy killkakkuna hatun unkuy punchakuna llankakunapak llakaymanta rimanka, shinallatak Seguro Social Campesino hawapash rimanka.
Llaktapi llankayka, César Litardo Caicedo, Mamallakta Tantankuyta pushak “Asamblea en Territorio”, shutiwan llankymi kan, chaymanta wayru killa, kunan, 29 punchamanta, 29 punchakama llankanka. Yunkallakta, punasuyuta muyushpa Manabí markapi muruta pukuchikkunawan, marka kamachikkunawan, runakunawan rimanakuyta charinka. Llankay yuyarikunatapash hatun yachana kamaywasikunawan killkanka.
Mamallakta Tantanakuy 100 apuchiwan Superintendencias de Bancos y de Economía Popular y Solidaria kamaywasi imashina llankashkata taripankapa 100 apuchiwan arinirka, chay taripaytaka Comisión de Fiscalización y Control Político tantarimi pushanka, shinami kullkiwasikuna, mana kullkiwasikuna Covid-19. Unkuy purikuy pachapi llankanañanta allichishka taripanka, mashna kullkita unkuyta harkankapa churashkata rikunka.
Kay Comisión de Régimen Económico tantari ukupi, Marisol Andrade, Directora del Servicio de Rentas Internas (SRI) kamachik, 2020 wata kallari sukta killapi mashna kullkita tantashkata willarka, yallik 2019 watapi 7654 hunu kullkita tantashkata rikukpika, 6326 hunu kullkitalla tantashkata rikuchirka, chayka 17.4 %. Patsakri nisha nin, rimarka.
Kay Comisión de Educación tantari, 060 yupay rimanakuypi Circuitos Educativos yachayta anchuchinamanta rimarka, chay yachayta Direcciones Distritales kamaywasikuna pushachun yuyarirka, kay mañaytaka Carmen García kamachiy killkak churashkami kan. Kay nikitaka Orgánica de Educación Intercultural kamachiyta ishkaykutin atinakuyman chayachina nirka.
Kay Comisión de Fiscalización y Control Político tantari, Elio Peña Ontaneda kamachiy killkak pushashka, kaya pucha 09h00 sayllapak, rimanakuyman kamachiy killkakkunata kayarka, chayman General de la Policía, Hernán Patricio Carrillo chayanka, paymi kamachikkuna 2019 wata, wayru killa runakuna hatari llakita willanka Ministra de Gobierno María Paula Romo kamachik kachashka rimanka, Lourdes Cuesta, Amapola Naranjo, Roberto Gómez kamachiy killkakkuna huchachishkata tikrachinka.
Shinami “Hampina llankaypi kay Humanitaria kamachiy paktachun César Litardo Caicedo Mamallakta Tantanakuyta pushak rimanakuyta pusharka”, chay hampi Hatun Kamachik chaypi karka, chaymanta covid-19 unkuypi achkata llankak hampikkuna hampishpa katichun, Humanitaria kamachiypak uchilla kamachiy arinina nirka.
