Kaya puncha, 14h00 sayllata, chay Expresidentes del Palacio Legislativo ukupi, Mamallaktapak hatun kamachikwan, Coordinadora de Maestros Jubilados del Ecuador “Alfonso Yánez Montero” pushakwan Acuerdo de Pago a Jubilados killkapi shutikunata aspinka.
Mamallakta tankuyta pushak César Litardo Caicedo, kaya 20 puncha, kamachiy killkakkuna 15h00 sayllata chayanka, chaypimi Reformatoria a la Ley de Minería hawa atinakunka; shinallatak chaypimi Ser Bachiller yachana hawa, palanta chanimantapash rimanka.
Kay Desarrollo de Puerto Bolívar Kamachiy allichirichun, Gobiernos Autónomos Descentralizados (GAD) kamachikkuna, runakuna, kamaywasikuna mañayta churarka, 2006 watapi allichishka kan nishpa riksichirka, kamachiywan El Oro markapak, Autoridad Portuaria de Puerto Bolívar kamachikkunapak llankaymanta 10% ptsakrimanta, 50%, patsakrikama GAD kiti kullkiman yaykurichun mañarka.
Kay María de Lourdes Cuesta, Amapola Naranjo, Roberto Gómez kamachiy killkakkuna, María Paula Romo Rodríguez, ministra de Gobierno kamachikta llaktay wananchita rurankapa mañarka, payka Mamakamachiy, Kamachiy rimashkakunata mana katishpa pakishmanata wanachishka kanka, chaytami Comisión de Fiscalización y Control Político tnatri pushak, Elio Peña Ontaneda kamachiy killkak, 15 puncha sirikpi huchachikkunata, huchachishkata kayanka, chaypimi huchata charik mana charikta rikurinka nirka.
Kay Comisión Especializada Ocasional para el Tratamiento de los proyectos de Enmiendas y Reformas Constitucionales tantari, Elizabeth Cabezas pusashka, kanchis llaktay tantarikunapak pushakkunata kayarka, paykuna Mamakamachiyta mushukyachinkapa Comité por la Institucionalización Democrática tantari churashka yuyayta rikuyta churanka, kaya puncha rimanakuyta charinka, 09h00 sayllata charinka.
Kay Comisión del Derecho a la Salud tantari, 3 sayllata atinakushpa, yuyaykunata churashpa, kamachiy killkakkunapak 10 apuchiwan tisiku pankata yanka charishkata taripankapa arinirka, kaytaka Mamallakta Tantanakuymi sitwa killa, 14 puncha, 2020 watapi arinirka
Kay Comisión de Desarrollo Económico tantari 10 apuchiwan Economía Circular Inclusiva kamachiy ishkayniki atinakuyman yaykuchun arinirka, kay Kamachiytaka Elizabeth Cabezas, kamachiy killkak churashkami kan, llaktakuna, kitikunapi, markakunapi atinakushka kamachiymi kan nirka.
Mamallakta Tantanakuy Christian Cruz Larrea kamachikta llankaymanta 124 apuchiwan surkurka, payka Mamakamachiy, Kamachiy mañashkata pakirka, chaymanta ñapash Consejo de Participación Ciudadana y Control Social (Cpccs) kamaywasimanta anchurichun mañarka, shinami Mamallaktapak Mamakamachiypak 131 nikipi riman nirka, shinapash 5 kamachiy killkakkuna shuyashpa sakirka.
Kay Comisión de Régimen Económico, Franco Romero Loaiza pushak, kaya puncha, sayllata 09h30 sayllata karumanta rinakuy kallarinka, karumanta rikushpa Roberto Dunn, Directorio de la Corporación Financiera Nacional (CFN) kamachikta, Andrés Baquerizo Barriga, Ejecutivo del Banco del Pacífico kamachikta chaskinka, paykuna imamanta Banco del Pacífico kullki wasita shukpaklla makiman kachakushkata riksichinka.
Kay Grupo Parlamentario por los Derechos de la Niñez y Adolescencia tantari, Franklin Samaniego kamachiy killkak pushashka, karumanta rikushpa “Una Mirada de los Derechos de las Niñas en el Código Orgánico de Niños, Niñas y Adolescentes (Copinna)” hawa achkata rimanakurka, chaypimi wawamanta hatun yachakkuna, kamachiy killkakkuna, kamachiykuna karka, paykunaka wawakunapak, imillakunapak hayñimanta yallita rimarka.
