Kay Comisión de Régimen Económico tantari shuwayta harkankapa kamachiypak nikikunata rikunkapa arinirka, chaymanta ishayniki atinakuyman yaykurichun tawka kuskakunamanta rikuykunata hapirka. Shinami, Franco Romero Loaiza, kamahiy killkakka pushak, kaya punchapak kayarka, 09h30 sayllapi kallarinka, chaypi Servicio Nacional de Contratación Pública (Sercop) kamaywasi chayachishka pankata rikunka.
Kay Código Orgánico de Ordenamiento Territorial, Autonomía y Descentralización (Cootad) kamachiyta ishkaykutin atinakuyman richun allichimun, chaymanta kay Comisión de Gobiernos Autónomos tantari, tawka nikikunata allichishpa katimurka.
Chay El Oro, Esmeraldas, Manabí, Santa Elena markakunamanta makiwan chalwakkuna Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo pushashkaman shamurka, mamakucha pusak yakutupu wampuyta ukllarka, chaytami imashina Acuacultura y Pesca Hatun Kamachiy rimashkata katishpa llankanka nirka.
Mamallakta Tantanakuy 104 apuchiwan Ministra de Gobierno kamachikta karkurka, payman minkashka llankayta mana paktachirka, yallik 2019 wata wakcha runakuna rupana yaku chani wichiyakpi runakuna kaparinkapa llukshikpi Policía Nacional chapakkunawan, awkakunawan takarka, wañuchirka, waranka yalli runakuna chukririka.
Yallik punchakuna, Lenín Moreno, Mamallakta Pushak, Actuación en Casos de Personas Desaparecidas y Extraviadas Hatun Kamachiypak uchilla kamachiyta arinishpa kacharka. Kay kamachiyta Mamallakta Tantanakuy hunta tantarishpa, wayru killa 2019 watapi arinirka, shinallatak kapakkillapi Mamallakta Pushak arinirka.
Kayna puncha, Comisión del Derecho a la Salud tantari Deporte kamachiyn allichirishpa katikushkata rikuchirka, chaymanta Mamallakta Tantanakuyta pushak, César Litardo Caicedo kamachiyta churan. Yapa paypak ushay ukupi llankayta katinamanta rikuchirka.
Kay Santa Elena llakta urayman sapsikuna, Guayas markamanta Safando runakuna Mamallakta Tantanakuy llaktakunapi tarpukkumanta, pallaykunamanta rimanakuyta charirka, chaypi ima kamachiykuna tarpuyta yanapanamanta rimarka
Kay Comisión de Fiscalización y Control Político, Elio Peña Ontaneda pushashka, Apoyo Humanitario Hatun Kamachiyta kutintak kunan puncha rimanakunka, chaypimi kullkita mañachinamanta rimanakunka, kaytaka Mamallakta Tantanakuy wayru killa, 28 punch arinishkata paktachinka, 14h00 sayllata rimanakuy kallarinka.
Kay Ecuador llaktapi pukllay kamaywasiyay tukuchun mashkana, chaypak Salud Mental llankay kamachiy ukupi kachun mañarka, chaymanta Comisión del Derecho a la Salud minkashka kamachiyta rurakushka ñawpakman purichun mañarka.
Kay 11 apuchiwan Comisión de Justicia, José Serrano Salgado, kamachiy killkak pushak, Prevención y el Combate al Comercio Ilícito kamachiypak kallari atinakuyta pusharka. Kay kamachiy Industria Nacional y Fomentar el Comercio Electrónico llankayta sinchiyachinka.
