Kunan puncha, 10h30 sayllata Comisión de Participación Ciudadana y Control Social tantari Cynthia Viteri Guayaquil kiti pushakta chaskinka, payka chay kitipak Cuerpo de Bomberos kamaywasipi llankakkunawan llaki tiyashkata willanka.
Kay Comisión del Derecho a la Salud tantari, William Garzón pushashka, tisikupanka hawa willayta killkankapa rimaykuna, yuyaykuna chaskinata tukuchin, tawka runakuna tisiku kani nishpa yanka pankata hapishka. Kipa punchakuna imashina willay killkarikushkata kamaykunka, chaywasha Mamallakta Hunata rimanakuyman churanka.
Kay Comisión de Fiscalización y Control Político tantarita minkashkauna kuna punchan 15 sayllata rimanakuyta charinka, chaypimi awllikkuna ishkayniki willay kunankaman paktashkata willanka, willashka kipa Comisión de Fiscalización tantari mana chaypilla sakirinka, tawka tapuykunata churanka, chay tapuykunata Luis Pachala kamachiyt killkak churanka, minkashka kamachiy killkakkuna karumanta rimashpa willachun mañanka.
Mamallakta Tantanakuy arinishkata, chay Comisión del Derecho a la Salud tantari, William Garzón pushashka, taripankapa alli ñanta puri kallarin, shinami imashina kay llakikuna tiyashkata riksinka, yanka hampikunata ratishkatapash taripanka.
Kay Comisión Multipartidista tantari, Eliseo Azuero kamachiy llakita katin, José Serrano Salgado wanayta churarka, kayna Santiago Cuesta, Exconsejero Presidencial yallik kunakta, Darwin Espinoza Vivanco, administrador Temporal del Servicio de Contratación de Obras (Secob) kamakta chaskirka, paykunaka Amapola Naranjo wanayta churarka.
Kay Comisión de Gobiernos Autónomos tantari, chay Código Orgánico de Organización Territorial, Autonomía y Descentralización (Cootad) kamachiyta allichishpa katin, kipaman Mamallakta Hunta Tantarishpa mushuk yuyaykunata churashpa, allichishpa arininka.
Kay Comisión de Desarrollo Económico tantari, 12 apuchiwan kay Modernización a la Ley de Compañías kamachiy ishlkay atinakuypak ña allichishpa arinirka, chaymi Mamallaktapak atinakuyman yaykurinka.
Kay Régimen Económico tantari, Sistema Nacional de Contratación Pública kamachiyta allichishpa katin, chaypak Contraloría y Procuraduría General del Estado kamachikta kayarka, payka kay kamachiypak nikikuna alli killkarichun yapanka, chaywan ishkayniki atinakuypak allichinka.
Kay Grupo Interparlamentario de Amistad y Coordinación Recíproca con el Parlamento del Estado de Israel tantari, Ecuador llaktata Covid-19 hatun unkuypi yanapashkamanta Israel llaktata achkata yupaycharka.
Mamallakta tantanakuyta pushak César Litardo Caicedo, Kaya kuski, 1 puncha Mamallakta Tantanakuy 680 yupay, karumanta rukushpa rimanakuyta charinka, chayka kamachiy killkakkunata kayarka, 15h00 sayllata kallarinka, pushak yuyaykunata rimanka.
