Mamallakta Tantanakuyta pushak, César Litardo, kaya punchapak kamachiy killkakkunata kayarka, 15h00 sayllamanta 683 yupay rimanakuy kallarinka, chaypi pichka iñukunata rimanakunka, chay Mamallaktapak, istallaktakunapak munaykunata atinakunka.
Tukuri hatun churashkakunata, yallichinakunata, tukuri churashkata allita riksishpa, atinakushpa kay Deporte, Educación Física y la Recreación hatun kamachiyta, Comisión de la Salud tantari allichishkata charinka, chaywa Mamallakta Tantanakuy atinakuchun Minkashka allishkata pankata kachanka.
Kay puncha, kamachiy killkakkuna Reformatoria a la Ley de Régimen Tributario Interno kamachiyta kallari atinakuyta rurarka, kay kamachiy Gobiernos Autónomos Descentralizados (GAD) kamaywasiman kullkita tikrachinka, kay yuyayta achka kamachiy killkakkuna yanaparka.
Kay 12 watayuk, Liuba Mora warmi wawa, “Doughter Angels” wata ukupi kan, kay Comisión que atiende temas y normas de la Niñez y Adolescencia tantariman karumanta rimashpa, kay Código de Protección Integral de Niñas, Niños y Adolescentes kamachiyka runakunata shunkumanta yanpana yuyayta charinka kana, “Kuyay” rimaymi kallaripi kana kan nirka, chaymanta takaykuna, huchachikkuna tiyakpi amsapi sakirina mana kanka nirka.
Kay Comisión de Soberanía Alimentaria tantaripak ñawpakpi ñuñu kaktunata chaskirka, paykuna ñuñu katuna llakita kamachiy killkakkauman rikuchirka, paypak yuyaypika wakrata wiñachikkuna hatun llakita charishkata willarka, ñuñuka runakunapak hatun alli mikuymi kan nirka.
Ya Comisión de Desarrollo Económico tantari, Esteban Albornoz pushashka, 13 kamachiy killkakkuna yanapashkawan Empresas Públicas kamachiyta allichinata kallarin, kay yuyaytaka Mamallakta Pushak churashkami kan, minkashkakuna kay llankayta kallaripi churashpa pushanka.
Kay Comisión de Soberanía Alimentaria tantari pushak, Lenín Plaza Castillo, kamachiy killkakkunata karumanta rikushpa rimanakunkapa kayarka, chaymi 14h30 sayllata atinakuyta charinka, chaypimi wakra wiñachikkunapak, ñuñuta katukkunapak llakikunata rimanakunka, paykunami ima llakita charishkata rikuchinka.
Kay Mamallakta Tantanakuyta Pushak, César Litardo Caicedo, Ecuador llaktapi tiyak pukllakkunawan, Ministerio de Economía kamachikwan rimankuyta charirka, Mamallaktapak Ligas Deportivas Cantonales pukllakkunaman kullkita churashka kipa rimashka. Kay rimanakuytaka kayna puncha charirka.
Kay Comisión Ocasional que atiende temas y normas de la Niñez y Adolescencia tantari, karumanta rimashpa, 20 rikuykunata akllarka, chayka Gabriela Larreátegui kamachiy killkak, Libro I del Código de Protección Integral de Niñas, Niños y Adolescentes (Copinna) hawa rimarka. Kay tantarita pushak, shamuk punchakuna kallaripi chachina riksik yachakkunata kayanka, paykuna allita riksichinka.
Kay Grupo Parlamentario por la Garantía de los Derechos de Niñas, Niños, Adolescentes tantari shuk yachaypi kishpiychikkunapak llankaymi wawakunapak, imillakunapak hayñita ukllanka, kamanka chaymanta paykunapak yachayka may alli kan nirka. Kay tantarikuna, yachaykuna hatun unkuy purikuk punchakunapimi rikurishka kan. Chayman Mamallakta alli kamchiyta churanata munan nirka.
