Kay Raúl Ledesma, ministro del Trabajo kamachik, kaypak kullki illakta llakirishka. Sapan killapi 115 hunu kullki urman , watapika 1 300 hunu kullki urman nirka. Chay kullkika ashalla pachapak llankakmanmi kan, runakunamanta llankakpash yaykurin, llankashkamanta kuna, chunkakimsa niki, chunkachusku niki, wakaychishka kullki, Seguridad Social kamaywasiman churana, killamanta kuna kullkiman yaykurin.
Kay tantari pacha Italia llaktawan, Mamallakta Tantanakuywan ishkantin Mamallakta mashiyay, yanapay, kimirinakuy sinchiyan, manukunata, mintalayta, yachachinata rantinchina, saywa llakita allichina, purik runakuna hawa rimaykuna sinchiyan.
Kay Derecho a la Salud minkashka, chay Santo Domingo de los Tsáchilas markapi, mushukyachishka Código de Salud kamachiyta rimanakunka, kay kamachiytaka tukuy tantarikunaman rikisichishkami kan. Kayta rimanakunkapa 17 puncha, sitwa killa, 10h00 sayllamanta kallarinka.
Mamallakta Tantanakuy, kamachiy killkakkunapak 116 apuchiwan, kay watapak 5 puncha, sitwa killa, Venezuela llaktapi makanakuy tiyashkata supaycharka, chay llakta llakimanta llukshichun llaktay yuyariwan llakikunata allichichun mañarka, shina llakta ushay mirarichun mañarka, shina Carlos Falquez, Partido Social Cristiano llaktay tantarimanta mañashkata paktachirka.
Kamachiy killkak Cristina Reyes, ruku runakuna IESS kamaywasiwan yuyarichun mañan, Mamallakta, IESS kamaywasiman manuta tikrachina punchata rikuchun mañan, chay kullkiwan hampita rantishpa ancha unkuyta charik, ruku runakunaman kuchun yuyachirka, imashinatak 2.500 hunu kullkita tikrachina hawa rimarka.
Mamallakta Tantanakuypi tawka markamanta, uchilla suyumanta shamuk kamachiy killkakkunantin Grupo Parlamentario por los Derechos de las Personas en Movilidad Humana tantarita wiñachirka, ñukanchik Mamallaktapi, ista llaktakunapi runapak hayñikunata Mamakamachiypi hapirishpa riksichina munayta charin, shinallataka purik runakunapak kawsayta riksichina, kamachiywan llankaypi kanka.
Kay “ kay Plan Nacional de Desarrollo runakunapak hayñita paktanata riman, shinallatak kikinkayta, Mamallakta pakta kachun mashkan, tukuy kay Ecuador llaktapi kawsak runakunaman alli kachun charishkakuna paktarakishka kachun mañan, shinami José Serrano Salgado, Mamallakta Tantanakuyta pushak rimarka, kay Memorando de Entendimiento pankapi shuti aspishpa shina rimarka, kay Objetivos de Desarrollo Sostenible 2030 llankayta tukuykunaman riksichishun nirka, shinami Sistema de Naciones Unidas tantariwan, Mamallakta Tantanakuywan ishkantin llankana nirka.
Kamachiykuna killkana katikillata rurana yuyaywan, chay PAIS tantariwan, Mamallakta Tantanakuyta pushakwan, José Serrano Salgado, Lenín Moreno, Mamallakta Pushakwan tantarirka.
Kay Biodiversidad minkashka Para la Circunscripción Territorial Especial Amazónica kamachiyta ashtawan allishpa katin. Shinami 14h00, minkashka kamachiy killkakkuna, chay Universidad San Francisco de Quito kamachikkunata, chay Frente de Defensa de la Amazonía kamachikkunata chaskinka, paykuna kay kamachiy alli mushukyachun yuyaykunata churanka, antisuyupi imashina llankayñanta nikichun yanapanka, kawsana allpa, pachamama, kawsay tarpuyta nikinka.
Sarun 29 puncha, raymi killa, 08h30 sayllata shuk antawapi, 34 watayuk warmita chukrichikpi chayka Naranjales ayllullakta, El Carmen kitipi, Manabí markapimi karka. Paymi Ecuador llaktapi tukuri takashka karka, paywan 80 warmikuna takashka sakirin. Kay llakimi Mamallaktapi kawsak warmi wawakunata, imillakunata, warmikunata takay ama tiyachun harkana nirka.
