Kay 471 yupaywan, Miguel Jurado Mamallakta kishpiychik mañashkata paktachishpa Mamallakta Tantanakuy, Jorge Glas Espinel Mamallakta Kipapushakta wanachichun arinirka, kullita mana kamachiywan rikushpa, shuktaKkunawan pakalla hapishkata hunchachishkamantami wanachishka kanka, Mamakamachiypi rimashkata, kamachiypi rimashkata hapirishpami wanachinka.
“Kay Apya-yalapilla 320 waranka hunu churashka dólar kullkita mana tantachichin, chayka kay suyupi Producto Interno Bruto (PIB)6.3 % patsakri kullkiwan paktami kan, shinami elusión y evasión tributaria kullkita mana chayachin, chaymi paraísos fiscales” shutita charin. Shinami Marcela Aguiñaga Vallejo kamachiy killkak, Mesa de Justicia y Estructura del Estado tantarita pushak rimarka, chaymanta Mamallakta Tantanakuy, Shukniki, Ishkaniki, Chuskuniki allichishkakunata arinichun, Mamallakta Tantanakuy 2, 8 9 nikikunata allichishkata arinichun mañan, shinami Para la Aplicación de la Consulta Popular del 19 de febrero pasado kamachiy arinirinka.
Kay Soberanía Alimentaria minkashkapi rimanakuy tiyanka, Ricardo Zambrano kamachiy killak pushashka kan, shamuk 30 puncha, karwa killapi kanka, 15h00 sayllata kallarinka. Carlos Bernal Alvarado, Secretario Técnico del Comité para la Reconstrucción y Reactivación Productiva, killkakkamayu, Ecuador llaktapak yunka markakunapi 16 puncha, ayriwa, killapi, 2016 watapi allpa tuñirishpa llakichishka llaktakunapi riman, kutintak kullkita, kapukyayta mirachinamanta rimanka.
Kay 16 puncha, karwa killa, 2017 watapi, Richard Espinosa, Derecho a la Salud minkashkaman, IESS kamaywasiman 100 % patsakri, ancha ukuyta charik hampikuna rantishkata willanka. Willana hillaypi willashpa Poly Ugarte, Espinosa kamachikman mana shina kan nishpa tikrachirka, ancha unkuyta charik unkukkuta kuyashpa hampishkata, hampita rantinkapa sinchi kashkata riksichirka.
Mamallakta Tantanakuyta pushak, José Serrano Salgado, chaska 25 puncha, karwa killapi tantariman kayan, 15h00 sayllata kallarinka, chaypimi Oficio No 46-SEPPMPPT-CNJ-MJF-2017 killkata riksinka, Miguel Jurado Fabara, kishpiychik killkashkami kan, kay killkawan Mamallakta Tantanakuy, chay Jorge David Glas Espinel Mamallakta Kipapushak llakita charishkata riksinka.
Kunanmi 100 puncha Mamallakta Tantanakuypak llankakkunapak hayñikunata kaymanta rimashpa Karina Arteaga kamachiy killkak, Derechos de los Trabajadores, Seguridad Social kamachiykuna hawa rimarka. Ñukanchik ñawipuraypi hawaman rikurishpa llankayta chayachishun nirka, shina tukuylla awllikunaman, Mamallaktapak llankakman kamachiyta chayachishun nirka.
Kunan watapi 470 yupay rimanakuypi, Mamallakta pichkaniki allichishkata arininka. José Serrano Salgado, Mamallakta Tantanakuyta pushak, shamuk kulka punchapak, karwa killa, 10h30 sayllapak, Lenín Moreno, Mamallakta Pushak, Para la Aplicación de la Consulta Popular efectuada el 17 de febrero kamachiyta arininka.
Hatun Yachana Ayllullakta yapa pakta yachakukkuna yaykurichun, yachana kuskakuna tiyachun yuyayta kushpa yanaparka. Chaypak yachana ukukunata allichinka, yachachikkunata pushamunkapa, sumakrurak hillaykunata rantinkapa, shuktak mutsurishkata charinka kullkimi mutsurin nirka. Sumak rurayta yachanka, hatun yachayman paktakuk yachayta kunkapa kullki mutsurinka.
Chay Kimsakocha muntinpi chay Participación Ciudadana minkashkapak rimanakuy pusharirka, chayman 500 muyuntin runakuna chayarka, imashina chuki llankay katikushkata rikurka. Chukita surkushpaka tawtasami kawsayta, yakuta llakichinka nirka. Chay Javier Córdova, Minería hatun kamachik, Corte Constitucional kamachikpash chayamunka nirka, paytaka imamanta runakuna tapuchun kimsa watapi mana arinishkata willanata charin nirka.
Kay Derechos Colectivos minkashka, mushuk Derechos Lingüísticos de los Pueblos y Nacionalidades kamachiyta allinta killkakatishpa iskun apuchiwan arinirka, shina kallari atinakuyman yaykurinka, kay kamachiyka sapa runa, tantarishka runakuna rimay hayñikunata charichun yanapanka.
