Kay Ecuador llaktapika, 50 % patsakri kullkimi tarpuymanta shamun, chayka 2 hunu llankana kuskata wiñachin, ashtawan katinkapa, achka kullkita charinkapa yalli sinchimi kan, tarpukkuna, shanita tarpukkuna, hapikkunami yalli llakita charin, kay llankaykunatami José Serrano Mamallakta Tantanakuyta Pushakwan rimarka. Shinallatak patas, shani tarpukwan tantarirka, rimanakurkapash.
kamachik José Serrano Salgado, Alianza PAIS (AP) shutipi, 74 kamachiy killkakunantin, Lenín Moreno Mamallakta kipapushakta kayanka, shinallatak Jorge Glas Mamallakta Kipapushakta kayana nirka, kipaman Mamallakta alli llankachun yuyarina kan nirka. Chaypi kay llakitaka wasi ukupi rikunka imashina llakikuna rikurishkata riksinka.
Mamallaktapi llaktay llaki tiyashkamanta, Partido Socialista Ecuatoriano (PSE) tantari, Silvia Salgado pushak, kay tantariman yaykurishka runakuna Revolución Ciudadana llaktay yuyaywan katinkapa kayarka.
Mamallakta pushak, Lenín Moreno, rimashka kipa, José Serrano, Alianza PAIS tantariman kimirishkata tantarichun kayan, shinami willana hillaykunapi rimarka, Moreno Pushak, akllarinkapa Hatun kamachikpak llankayñanta paktachina, shinami Mamallakta Pushak katikillata churan.
Kay “deportación” rimayka Estados Unidos llaktapi shuk kawrimi rikurishka, kay tukuri killakunapika chaypi kana pankata mana charishkamanta aysashpa runakunata kachashka, hatun wiñaykawsaymi rikurin. Chay llakika manarak Donald Trump Mamallakta pushak kakpimi ña tiyarka. Ñami 2001 watapi World Trade Center hatun wasita wakllichirka, chaymanta purik runakunapak hatun llaki rikurirka, shinallatak 2007 watapi ashalla kullki tiyakpipash shinallatak llaki karka, purina pankata mana charik runakuinapakmi ashtawan hatun llaki urmarka.
Kamachiy killkak Carlos Viteri Gualinga, Alianza PAIS tantariman yaykurishka, payka Comisión de Biodiversidad tantariman yaykurishkami kan, Diego García, procurador General del Estado kamachikwan tantarirka nishpa willan, Mamakamachiy rimashkapi hapirishpa, Odebrech llankak wasiwan yuyarishkata pakishkamanta, shuwashkamanta Mamallaktamanta surkuchun mañan.
Kamachiy killkak Mauricio Proaño, Desarrollo Económico minkashkapak rimayta charik, kallari 75 puncha llakyaypi, chay Cuerpo de Bomberos kamachikkunaman, llankakunaman kamachiyta arinirka. Shinami, michata charikik llaktayukkuna zirma maruman kullkita chayachinka, chaymi makirukta, riksina llankayta charikta achkata yanapanka.
Kayna tutamanta, Andrés Burbano, chay Asociación Ecuatoriana de Software tantarita pushak, Berloska Torres llankayta utka pushak, José Serrano, Mamallakta Tantanakuyta, pushaman Software kamachiyta chayachirka. Kay kamachiywan Ecuador llakta shuktak llaktakunawan, imashinami Argentina, Colombia, Costa Rica, Uruguay pakta pakta kachun mañan.
Chayka Agrobiodiversidad, Semillas y Fomento de la Agricultura Sustentable kamachiyta, 8 puncha, raymi killa Kamukipupi killkachirka, shinallatak Sanidad Agropecuaria kamachiyta 3 puncha, sitwa killa, Kamukipupi killkachirka.
Mamallakta Tantanakuypak ishkayniki pushak Carlos Bergmann, 2017 watamanta, 2021 watakama Mamallakta kachachun suyakun, kunan 2017 watapak ñami nishpa rimarka. Chayka 36 waranka, 818 hunu kullkimi kan, 2 % patsakri mirarishkata rikuchin. Mamallakta Tantanakuypak Kipashuk shina riksichirka Régimen Económico minkashka shinallatak rikuchirka.
