Kamachik Mauro Andino Servicio de Aduanas de Ecuador (Senae) kamaywasimanta 1.13 % patsakri Mamallakta Hatun kullkiman chayamun nirka, chaymi kullki mirarichun yanapan. Chayka iñu churashka chanita yapanka. Shuk waranka 400 hunu kullkita 2016 watapi kullkita yallin, 16 % patsakri yalli kan.
“Kay Integral para Prevenir y Erradicar toda forma de Violencia contra la Mujer kamachiyta utkashpa killkashkamanta kari warmi kamachiy killkakkunata yuypaychanchik. Ashtawankarin warmikunapak tantarita achkata yupaychacnhik”. Shnami José Serrano Salgado, Mamallakta Tantanakuyta Pushak rimarka, chaymanta Grupo Parlamentario por la Garantía de los Derechos de las Mujeres killkashkata chaskirka, Mónica Alemán kamachik chayachirka.
Kamachiy killkak Pabel Muñoz, minkashkata pushak, kari warmi, wawakunapash paktapakta kachun kallaripi llankachun kullkita ñapash chayachin. Shinallatak llankaypi rukuyashkakunata yanapanka. Hatun yuyaritaka Portoviejo llakta, Manabí markapi, chaskinka, arininka. Shinami 25 puncha, karwa killapi kan.
Kamachiy killkak Ricardo Zambrano, rimanakuyta pushak, Yaku Kamachiyta arinishka “hatun, Mamallaktapi yakuta nikinkapa achkatami yanapan” nirka. Llaktakunaman kay yakuta chayachinka tawka tiksi ñankunatami mashkashka, chaymantami imashina paktashkata riksina mutsurin. Mashna chawa tawa yakuta hapinkapa, hapishka yakumanta mashna kullkita riksinkapa uchilla yuyarishka kamachiykunata runana kan.
Kay (CAL) tantari, CAL-2017-2019-043 yupaywan, 15 puncha, karwa killa, 2017 watapi, Proforma del Presupuesto General del Estado maruta, punchanta llankak Régimen Económico y Tributario y su Regulación y Control tantariman chayachirka, shinami 2017 watapak kullki maruta rikunka, shinallatak Programación Presupuestaria Cuatrianual 2017 watamanta, 2020 watakama kullkimaruta kacharka, chaytaka Función Legislativa Hatun Kamachiypak 103 nikita paktachishpami chayachirka.
Kay El Grupo Parlamentario por el Bienestar Animal tantari, kunan tutamanta Leonardo Anselmi yachakta uyarka, payka animalista español yachakmi kan, Grupo Animalista Manada Quiteña tantariman yaykurishkapash kan, chay Protección Animal Ecuador (PAE) yachakkunapash uyachirka, kitipi kawsak wiwakuna hawa uyachirka.
Mamallaktapak achka llankakkunapak, tukuylla mitachikunapak ñawpakpi, tantarishpa shamushka Nancy Guayasamín Arias, yallik Registro Civil, kamaywasipi llankak, llankayta kunkapa imata mañana hawaka, hamutankapa achka sichimi kan nirka. Kay llakitaka kamachik patakunapi punchantami llaki tiyan nirka. Tukuylla llankaypi, shukpaklla llankaypimi kay llakika rikurin.
Willana hillaypi rimashpa Mamallakta Tantanakuyta pushak José Serrano, PAIS tantari, yanapakkunapash, payllatak, Consejo de Administración Legislativa (CAL) imatalla yuyarishkata willarka.
Willana hillaykunapi CREO, SUMA, Partido Social Cristiano (PSC) tantarikuna, kamachiyta rikushpa, runakunapak yuyayta rikushpa, chay Jorge Glas, Mamallakta Kipapushakpak llakita rikurka. Pay, Roberto Gómez, kamamchiy killkak, Glas paypak llankaypi katisha nikpi, kunan Hatun Kamachikpak llankaytami wakllichin nirka.
