Mamallakta Tantanakuypi apukukkna kaya puncha ishkay rimanakuyta charinka. Kallaripika Zaruma llakta chuki llukshichinapi wakllirishkata, chay kipaka Esmeraldas llaktapi kawsanapak yaku mana tiyashkamatami rimanakunka.
"Wiñaypachapi riksirina, ayllukuna chaypikana, kayachishka makipurashpa Código del Trabajo kamachiy rurashkami, kaypika tukuymanta llankaytami kimichin mushuk llankaykunatami wiñachin kayshinami llakta wiñarinapi kimirishpa sinchiyachik", kashnami Liliana Durán apuk, Derechos de los Trabajadores minkarishkata pushak nirka. Ibarra llakta, ishkay niki rimanakuypimi kashna rimarka.
Mamallakta Tantanakuypak rikuchik antawa Loja llaktaman chayanka, chay Benjamín Carrión wasipak irapi shayarinka, chay antawaka Mamallakta Tantanakuy llankashkata tukuy suyukunaman riksichinkapa apanka. Shinami llankaykunata ayllullaktakunaman Mamallakta Tantanakuy utkashpa, mushukta rikuchishpa, kushiyachishpa llaktayukman chayachinchik.
Kay 119 apuchiwan, kimsa shuyaywan Warmi takayta pichachun Mamallakta Tantanakuy minkashkata churan, paykunami Integral para Prevenir y Erradicar la Violencia de Género contra las Mujeres kamachiyta ashtawan allichinka, chay Consejo de Administración Legislativa (CAL) rikuchishkatami katinka, 23 puncha, karwa killapi churashkami kan.
Kay Educación, Cultura, Ciencia y Tecnología minkashka, Augusto Espinosa kamachiy killkak, kay Ministro de Finanzas, Carlos de la Torre kamachikta shamuk awaki punchakpak kayashka kan nishpa willarka, paymi hatun yachanawasikunapak, sumakrurak hatun yachaywasipak kullkimaru hawa willanka, 2017 watapak mashna kullki tiyakta rikuchinaka, shinami hatun yachanawasipak pushakkuna tapushkata tikrachinka.
Kamachiy killkak, Marcela Aguiñaga, hatun kamachik, Corte Constitucional Hatun kamachik arinishkata willanka nirka, wawa mikuchun ishkay, kimsa killata mana kushkamanta, Mamallaktamanta manuk mana llukshichun wanachishka kanka, hatun kamachikpak ñawpakman rikurichun nirka.
“Kay Código Orgánico Integral de Trabajo kamachiyka, Mamallaktapak tukuy 24 markamanta, runakuna yuyayta churashka kamachiy killkarichun munanchik”, shinami Liliana Durán kamachiy killkak, Derechos de los Trabajadores y la Seguridad Social minkashkata pushak rimarka, chaymanta shamuk chaska, 1 puncha, kuski killapi, Cuenca llaktapi rimankuy kallarinka.
Chay La Rambla ñanpi, Barcelona maysumak ñanpi, España llaktapi, sarun 17 puncha, karwa killapi mana tukurirka, kaya puncha Cambrils llaktapi, manchanay llaki rikcharirka. Chay llakikuna tiyashka kipaka chulunlla ñankuna sakirirka. Purun ñankuna, achka riksik runakunapash tampukunapi, shani upyana ukupi, mikuna ukupi manchaymanta wicharishka karka. Ishakantin llakimanta 14 wañushkla, 100 chukririshkakuna sakirishka: kunanka Katy Vargas, Carmen Romero llakimanta kishpiyrishka karka.
Kunanpika Kamachiy killkakkuna tukurikta rimarka. Chay Reserva Marina de Galápagos llaktapi mana kamachiywan chalwashkata Mamallakta Tantanakuy takan, ñukanchikpak awkita sumaychachina nirka, Mamallaktapak kamachiyta, ista yuyarikunapi Ecuador kimirishka kan, kay llakita harkanka.
Hatun Yachanawasi pushakkunawan unipak kullki tiyachun rikun, kikinpak kullki wiñarichun yanapan, 2017 watapak unipak kullki ama pitirichun ñankunata mashkana. Kaytami Comisión de Educación achkata rimanakurkakuna, tukuylla hatun yachana wasikuna rikurka, kay awaki puncha tantaripimi rimanakuyta charirka.
