Kay Fondo de Naciones Unidas para la Infancia (UNICEF) kamaywasimanta, Grant Leaity kamachik, kay Derechos Colectivos minkashkapi, chay Para una Niñez y Adolescencia Libre de Castigo Físico, Tratos y Penas Degradantes kamachiy hawa rimakushpa, Ecuador llaktapi wawata, imillata llakichina harka mana tiyanchu Grant Leaity rimarka.
Kay Grupo Parlamentario por los Derechos de los Animales tantari, chay Organización Social Animal (OSA) tantarita chaskirka, paykunami wiwakunata kipuchun mañarka. Pushakkunaka llaktapi kawsak runakuna yachachina hawa rimarka, kipaman paykuna wiwakunata kamanka, chay yachaykuna yachaypi, makiruraypi, kawsaytarpuypi yaykurinka.
Mamallakta Tantanakuy kaya puncha, 09h00 sayllata tantarinka, chaypimi "Protocolo de Nagoya sobre Acceso a los Recursos Genéticos y Participación Justa y Equitativa en los Beneficios hawa rimanka, shinami Utilización al Convenio sobre Diversidad Biológica "yuyarita rimanka, chayman José Serrano Salgado Mamallkata Tantanakuyta pushak kamachiy killkakkunata kayarka.
Kay acuacultura, pesca llankay hawa, Ana Drouet Salcedo kamachik, kay Ministerio de Acuacultura y Pesca kamaywasita pushak, Soberanía Alimentaria minkashkaman chayamunka, chayka wanra, 18 puncha, sitwa killa, rimanakuy 15h00 sayllata kallarinka.
Kay EL UNIVERSO willak panka willashkamanta rimashpaka, llaktay willay kupi, wacha, 15 puncha, sitwa killa, 2017 watapi, ¨PAGAN 721 MIL POR LLAMADAS E INTERNET PARA ASAMBLEISTAS¨ shutiwan willashka, mana alli kan; kay El Comercio, llaktay willay ukupi, 16 sitwa killa, 2017 watapi, “ASAMBLEA INVIERTE 636500 EN PLAN MÓVIL”, shutiwan willashka mana alli kan, chaymanta achikyachishpa riksichinchik.
Kay Raúl Ledesma, ministro del Trabajo kamachik, kaypak kullki illakta llakirishka. Sapan killapi 115 hunu kullki urman , watapika 1 300 hunu kullki urman nirka. Chay kullkika ashalla pachapak llankakmanmi kan, runakunamanta llankakpash yaykurin, llankashkamanta kuna, chunkakimsa niki, chunkachusku niki, wakaychishka kullki, Seguridad Social kamaywasiman churana, killamanta kuna kullkiman yaykurin.
Kay tantari pacha Italia llaktawan, Mamallakta Tantanakuywan ishkantin Mamallakta mashiyay, yanapay, kimirinakuy sinchiyan, manukunata, mintalayta, yachachinata rantinchina, saywa llakita allichina, purik runakuna hawa rimaykuna sinchiyan.
Kay Derecho a la Salud minkashka, chay Santo Domingo de los Tsáchilas markapi, mushukyachishka Código de Salud kamachiyta rimanakunka, kay kamachiytaka tukuy tantarikunaman rikisichishkami kan. Kayta rimanakunkapa 17 puncha, sitwa killa, 10h00 sayllamanta kallarinka.
Mamallakta Tantanakuy, kamachiy killkakkunapak 116 apuchiwan, kay watapak 5 puncha, sitwa killa, Venezuela llaktapi makanakuy tiyashkata supaycharka, chay llakta llakimanta llukshichun llaktay yuyariwan llakikunata allichichun mañarka, shina llakta ushay mirarichun mañarka, shina Carlos Falquez, Partido Social Cristiano llaktay tantarimanta mañashkata paktachirka.
Kamachiy killkak Cristina Reyes, ruku runakuna IESS kamaywasiwan yuyarichun mañan, Mamallakta, IESS kamaywasiman manuta tikrachina punchata rikuchun mañan, chay kullkiwan hampita rantishpa ancha unkuyta charik, ruku runakunaman kuchun yuyachirka, imashinatak 2.500 hunu kullkita tikrachina hawa rimarka.
