Kunan Comisión de Educación pushak, Augusto Espinosa kamachiy killkak rimarka, Mamallaktapak tawka willana hillaykuwan willarka. Imashina rimanakuna pataku llankanata riksichirka, willana hillaykunaman tukuypak yalli munay kamachiykuna tiyanata riksichirka.
Kay yanapaykunata Peña kamachiy killkak chayachishka, hatun kamachikkunawan rimanakuytapash paymi charishka, chay yanapaykunaka wasita rurankapami karka, shina purik runakuna wasita rurachun yanapasha katina riman, wakllichishka kuskakunaman yanapayta chayachina hawa riman.
Kay Código Orgánico Administrativo, Aplicación de la Consulta Popular de 19 de febrero kamachiy, Transición de Gobierno, Código Integral Penal kamchiy, shinallatak 27 kamachiykuna allichinami Comisión de Justicia tantaripak kallari llankay kanka.
Mamallakta Tantanakuyta pushak, José Serrano, chay Belarús llaktamanta, Vladimir Andréichenko kamachikta chaskirika. Ishkantin Hatun Kamachikkuna ishkantin llankanka arinirka, shinami ishkantin Mamallakta yachaykunata rantinchinka, yanaparinka.
Kay Régimen Económico minkashka shamuk hunkapi tantarinka, chaypimi 2016 watapi kullki tukurishka willayta allichirinka, chaytami Mamallakta Tantanakuypak Pushakman chayachinka, chay llankayta ruranka Ministerio de Finanzas hatun kamachik imashina achka kullki tukurishkata willarka, tukuylla llankaypi kullki tukurishkata, Mamallaktapak Hatun kullki tukurishkata willarka.
Shamuk kulka puncha Mamallakta Tantanakuypak Comisión de Desarrollo Económico minkashka, sarun rimashka kamachiykunata atinakunka. “Chaypimi Desarrollo Artesanal kamachiyta rimanakunka, chaypak makirurakkunawan llankankapa tiyarina kan, mushuk kamachiy paykunapak mutsuykunata paktachichun”, shinami Daniel Mendoza kamachiy killkak rimarka. Kay kamachiymi Llankana Patakupi kallari llankay kanka, mananikunata alli rimayman pushana tukuchun nirka.
Shuklla kanchik, chikan chikan yuyanchik, shuklla wiñaykawsaytamanta shamunchik, shuk yalalla yachay wasimanta shamunchik, shinami ayllullaktapika rimanchik nirka…”, shinami Lenín Moreno, Mallakta Pushak, llankankapa tiyarishpa, Mamallakta Tantanakuypi rimarka.
Mamallakta Pushak Lenín Moreno, kay Ecuador llakta kallaripi kana nirka, chaymanta ama yanka kullkita tukuchinkapa killkashpa arininka, paypak pushaypika mutsuy yuyaytami yallinka, shina 2021 watapi paktakay, paktaraki Mamallaktata yallichinka, kay Mamallakta ukupi, Mamallakta kachaman alli rikurichun nirka. Mamallaktata pushakpak yuyayka ñunanchik llakta ukupi mutsuykuna tiyashkata allichina, karu llaktakunaman katuykunata charina yuyaymi kan.
Mamallakta pushak Lenín Moreno Mamallakta Tantanakuypi kallari churashka kamachiyta arinirka chaywan Jefatura de Estado, Ecuador llaktapak Hatun Kamachikta chaskirka. Shinami Mamakamachiypak 144 nikita paktachirka, Mamallakta Tantanakuyta Pushak, kamachiyta iñichishpa tiyachirka.
Kay 11:00 sayllata, José Serrano Salgado, Mamallakta Tantanakuyta Pushak, kamachiyta iñichishpa tayta Lenín Moreno Mamallakta Pushak kachun tiyachirka, kutin Rafael Correa Delgado llukshik Mamallakta Pushak, Mamallaktapak Unancha pintuta churachirka.
