Mamallakta Tantanakuypi tawka markamanta, uchilla suyumanta shamuk kamachiy killkakkunantin Grupo Parlamentario por los Derechos de las Personas en Movilidad Humana tantarita wiñachirka, ñukanchik Mamallaktapi, ista llaktakunapi runapak hayñikunata Mamakamachiypi hapirishpa riksichina munayta charin, shinallataka purik runakunapak kawsayta riksichina, kamachiywan llankaypi kanka.
Kay “ kay Plan Nacional de Desarrollo runakunapak hayñita paktanata riman, shinallatak kikinkayta, Mamallakta pakta kachun mashkan, tukuy kay Ecuador llaktapi kawsak runakunaman alli kachun charishkakuna paktarakishka kachun mañan, shinami José Serrano Salgado, Mamallakta Tantanakuyta pushak rimarka, kay Memorando de Entendimiento pankapi shuti aspishpa shina rimarka, kay Objetivos de Desarrollo Sostenible 2030 llankayta tukuykunaman riksichishun nirka, shinami Sistema de Naciones Unidas tantariwan, Mamallakta Tantanakuywan ishkantin llankana nirka.
Kamachiykuna killkana katikillata rurana yuyaywan, chay PAIS tantariwan, Mamallakta Tantanakuyta pushakwan, José Serrano Salgado, Lenín Moreno, Mamallakta Pushakwan tantarirka.
Kay Biodiversidad minkashka Para la Circunscripción Territorial Especial Amazónica kamachiyta ashtawan allishpa katin. Shinami 14h00, minkashka kamachiy killkakkuna, chay Universidad San Francisco de Quito kamachikkunata, chay Frente de Defensa de la Amazonía kamachikkunata chaskinka, paykuna kay kamachiy alli mushukyachun yuyaykunata churanka, antisuyupi imashina llankayñanta nikichun yanapanka, kawsana allpa, pachamama, kawsay tarpuyta nikinka.
Sarun 29 puncha, raymi killa, 08h30 sayllata shuk antawapi, 34 watayuk warmita chukrichikpi chayka Naranjales ayllullakta, El Carmen kitipi, Manabí markapimi karka. Paymi Ecuador llaktapi tukuri takashka karka, paywan 80 warmikuna takashka sakirin. Kay llakimi Mamallaktapi kawsak warmi wawakunata, imillakunata, warmikunata takay ama tiyachun harkana nirka.
Markakunapak mañayka yachaypak kullkita mirachichunmi kan, kay mañayka Mamakamachiypi rimashkata hapishpami rikuchin. Shinami imashina chay kullkiwan llankarinchik, chaytami Augusto Espinosa rikuchirka, payka, Comisión de Educación pushakmi kan, chaytami Educación Intercultural kamachiy hawa rimaypi rikuchirka.
Kaya 10h00 sayllata Mamallakta Tantanakuy 464 yupay rimanakuywan katinka, chaypimi ishkay mushuk kamachiy hawa rimanka, chay llakikunata harkankapa, kari warmi wawakunata, imillakunata, warmikunata waktay llakita shupaychankapa rimanakunka, kay rimanakuyta charinkapa José Serrano Salgado Mamallakta Tantanakuyta pushak kamachiy killkakkunata kayarka.
Kay Consorcio de Municipios Amazónicos y Galápagos (Comaga) kitipushakkuna, chay Para la Circunscripción Territorial Especial kamachiymanta rimashpa, kay Biodiversidad minkashkata. Antisuyu wiñarichun ecodesarrollo, antisuyupak allpamanta sapan manka punkara katushkamanta 4 % kullkita kuchun nirka, mana 2 dólar kullki urayman kachun nirka.
Shamuk chilla, 12 puncha, sitwa killa, 09h30 sayllata, Lorena Cerda Espinosa, chay Banco Nacional de Fomento (BNF) kullki wasita wichkankapa llankakun, chaypak Comisión de Soberanía Alimentaria minkashka chaskishka kanka, Ricardo Zambrano Arteaga pushanka.
Pichka sayllata atinakushpa, Mamallakta Hunta tantari Para la Aplicación de la Consulta Popular kamachiyta arinirka. Willakkunawan rimanakushpa, José Serrano kay atinakuy may sumak kashkata rikuchirka, kullki shuwayta harkankapa, anchuchinkapa shuk kamachiyta arinirka.
