Kay Jorge Corozo Ayoví kamachiy killkak, payka Comisión de Derechos Colectivos tantarita pushakmi kan, shinallatak José Chalá kamachiy killkakwan, Lenin Plaza kamachiy killkakwan tantarishkami karka, Mamallakta yana llaktakunapak hayñita kamachun, sumaychachun nirka, llankaykunaman yaykuchichun, paktaraki tiyachun mañarka.
Mamallakta Tantanakuy Fernando Cordero kamachikta tiyachirka, payka mushuk, kallari Superintendente de Ordenamiento Territorial, Uso y Gestión de Suelo hatun kamachik kachun tiyachirka. Mamallakta Tantanakuy arinishka kamachiyta hapishpa shinarka, chay kamachiyka kaynawata raymi killkapi llankay kallarirka.
Kay Derecho a la Salud minkashka chaska puncha, 10h00 sayllamanta, Mamallakta Tantanakuypak wasipi, Guayaquil llaktapi rimanakuyta charinka. Chaypimi runakunaman, kamachikkunaman, tantarikunaman Código de Salud kamachiyta riksichinka, paykunapak yuyayta chaskinka.
Kay Soberanía Alimentaria, Vannesa Cordero pushakwan, ministra de Agricultura kamachikwan, wakrata charikkunawan, chay fiebre aftosa wakra unkuyta imashina anchuchinamanta rimarka, kay unkuyka Colombia saywapi, Venezuela saywapi, sarun 24 puncha, raymi killapi rikurishka.
Kay Florida llaktapi huchata mana sumakta allichirka, chayka Estados Unidos llaktapimi sakarin, “ mayhan tukuy awlliktapash huchata apachinkapa mana tarishkachu ”, shinami Caminosca llakitami rikuchin, chay llakiman Esteban Albornoz kamachiy killkakta huchachina rikurinka, payka Azuay markamantami kan. Paypak shutipi wanayta churashka mana allichu kan nirka, “rikchak pankakunallami kan”.
Kamachiy killkak Dayllana Passailaigue rimaypika, warmita takak shukllapash ama tiyachun anchuchina nirka kan, kay yuyaywan warmi kashkamanta wañuchikta, rimashpa warmita yuyapi kumurichiktapashpa, hamishpa, kusa kashpapash ama waktachun mana sakina nirka.
Kay Comisión de Educación tantariman yaykurishka kamachiy killkakkuna, Educación Superior (LOES) allichinkapa ashtawan rikushpa mana samarin. Shinami técnicos, tecnológicos, superior yachay pankata kutintak chanin. Manarak kay 2010 watapi arinishka kakpi, universidades, escuelas politécnicas hatun yanachana wasikuna técnico, tecnológica yanachay pankakunata kunkapa makipi charirka, yachay pankata kurka, mana chaypilla sakirirka yachashpa katinata usharka, institutos yachana wasikuna mana kaykunata usharkachu.
Kitipushakpak, kunakkunapak, shulkapushakpak, tantarita pushakpak ñawpakpi, Mamallakta Tantanakuyta Pushak José Serrano Salgado, Bolívar marka wiñarichun kamachiywan yanapanka, Chayka: kimsa kamachiyta arinina, willachun mañashkata, llankashkata katinawan yanapana nirka, chaymi kikinkunapak hayñita paktachishun nirka.
Kay Justicia y Estructura del Estado minkashka paraísos fiscales kamachiyta kulka puncha ishkaykutin atinakunkapa arinirka. Kay minkashakapi llankakkuna llaktakuna 19 puncha panchi killapi, 2017 watapi arinishkata paktachinka, kamachiypak yuyayta paktachinkapa ñanta ruran.
Kaya puncha 10:00 sayllamanta, Derecho a la Salud minkashka yalli runakunata chaskinka. Shinami Jorge Cueva, Colectivo Vocerías de Salud tantarita, Carmen Elena Cabezas tantarimanta, Sociedad Ecuatoriana de Medicina Familiar pushakta chaskirka, paykunaka Código de Salud alli killkarichun yanapanka.
