Mamallakta Tantanakuy, Ishkayniki Kipapushak Carlos Bergmann kamachikwan, 195 watapi ñakarishpa wañushkata yuyarirkakuna, kay Quito llaktapak Catedral Metropolitana wasipi Mausoleo del Mariscal Antonio José de Sucre waka aknaypi sisata churarka.
Mamallakta Tantanakuyta pushak, José Serrano, Justicia, Ledy Zúñiga Hatun kamachik, Cooperación Interinstitucional killkata yuyarirka, Mamallaktapak Willana hillaykuna wichkashka runakuna willayta charichun, paykuna rimashkata ankimanta, karu rikuchikmanta paykunapak llaki kawsayta riksichichun mañan.
Kunan 11:00 sayllata Participación Ciudadana Minkashkaman yaykurishka kamachiy killkakuna punkuta wichkashpa rimanakuyta charirka, 30 chiniku kipa Pushakta, Kipapushakta churankapa yuyarirka. Shinami 10 apuchiwan Héctor Yépez Pushak tukurka, shinallatak Ángel Gende Kipapushak shayarirka.
Kamachiyta llaktayukkunapak yuyayta hapishpa killkankapa may maymutsurikmi kan, shinami Mauricio Proaño kamachiy killkak rimarka, payka Comisión de Desarrollo Económico tantariman yaykurishkami kan, mincha 25 puncha, aymuray killa, 17:00 saylla, Salón José Mejía Lequerica ukupi, ishkayniki “Media Training” yachayta kallarinka, chaypimi pakta runakuna tukuylla llaktay allichirichun mañanka, Mamallakta Tantanakuypi mushuk kamachiykuna alli nikita killkachun mañanka.
Mamallakta Pushak, Rafael Correa, Mamallakta Tantakuyman pay allichishka Código Orgánico Administrativo kamachiyta kacharka, 19 rikuyta charin. Kay Comisión de Justicia nikikuna imashina allichirishkata rikunata charin, shina mana kimichik kashkata rikuchinka.
Kunan 11:00 sayllata, Mamallakta Tantanakuypak Participación Ciudadana y Control Social minkashka tantarinka, llankana Patakupak Pushakta, Kipapushakta akllanka. Yallik punchakuna kamachiy killkakkuna rimanakuyta charirka, chaypi kamachikkunata akllankapa shuk yuyayta charina hawa rimarka. Shinami Mamallaktapak hatun yuyayta charik kakpi achkata rimanakuna kan, Mayra Montaño rimarka.
Kay Comisión de Biodiversidad kipapushak, Yofre Poma, chay Séptima Gran Cumbre Amazónica tantaripi karka, chay Coca kitipi, Orellana markapi pusharirka. Antisuyupak alli llankaykuna tiyachun rimarka, kay Circunscripción Territorial Especial Amazónica kamachiyta ashtawankarin rimanakunka, shinallatak GAD tantariman kullki wichiyanka, antisuyu markakunapi yachana wasikuna wiñarinka, pachamama wiñarinka, kawsaytarpuy mirarinka, shuktak llankaykunapash allichirinka.
Kunan watapi Mariano Zambrano (AP) llaktay tantariman yaykurishka, Manabí markamanta kamachiy killkak akllarirka, payka 31 watatami charin, paypak markapak shutipi Mamallakta Tantanakuypi hatun rimayta charinka, paypak yuyayka mushuk llankaykunata wiñachinkapa kamachiyta killkanami kan, tantarikuna alli kachun shuktak hatun llankaytapash wiñachinka.
Ña Mamallakta Pushak, Rafael Correa Delgado, Código de la Niñez y Adolescencia mushukyachina kamachiyta Mamallakta Tantanakuyman kachakpi, mushuk yuyaykuna rikurishka, ashtawankarin mayhan Comisión de Justicia y Estructura del Estado minkashkakunami maymantak kay kamachiy allichirichun rinka nishka.
Kay Hugo Quiroz, Fausto Cobo, Rosa Mireya Cárdenas, Patricia Terán, Pamela Aguirre kamachikkunami Apya-yalapi mushuk rimayta charikkuna tiyarirka, paykuna José Serrano Salgado Mamallakta Tantanakuypak ñawpakpi kamachiyta, llaktata iñirka.
